കടവല്ലൂർ കല്ലുംപുറത്ത് കാറും സ്കൂട്ടറും കൂട്ടിയിടിച്ച് അപകടം;രണ്ടുപേർക്ക് പരിക്കേറ്റു .

കടവല്ലൂർ കല്ലുംപുറത്ത് കാറും സ്കൂട്ടറും കൂട്ടിയിടിച്ച് അപകടം;
രണ്ടുപേർക്ക് പരിക്കേറ്റു.ചങ്ങരംകുളം പള്ളിക്കര സ്വദേശി ഏരത്തു വളപ്പിൽ 34 വയസ്സുള്ള റിഷാദ്,ചങ്ങരംകുളം ചിയാന്നൂര് സ്വദേശി കൈപ്പുറ വളപ്പിൽ 27 വയസ്സുള്ള അരുൺ എന്നിവർക്കാണ് പരിക്കേറ്റത്.തിങ്കളാഴ്ച രാത്രി 9 30 തോടെ കല്ലുംപുറം സെന്ററിന് സമീപമാണ് അപകടം നടന്നത്.ചങ്ങരംകുളം ഭാഗത്തുനിന്നും കുന്നംകുളം ഭാഗത്തേക്ക് വരികയായിരുന്ന കാറിൽ എതിർ ദിശയിൽ നിന്നും വന്നിരുന്ന സ്കൂട്ടർ ഇടിക്കുകയായിരുന്നു.പരിക്കേറ്റ ഇരുവരെയും നാട്ടുകാർ പെരുമ്പിലാവ് അൻസാർ ആശുപത്രിയിൽ പ്രവേശിപ്പിച്ചുവെങ്കിലും അരുണിന്റെ കാലിലെ പരിക്ക് ഗുരുതരമായതിനെ തുടർന്ന് അരുണിനെ തൃശ്ശൂരിലെ സ്വകാര്യ ആശുപത്രിയിലേക്ക് മാറ്റി.കുന്നംകുളം പോലീസ് സ്ഥലത്തെത്തി തുടർനടപടികൾ സ്വീകരിച്ചു