കോട്ടയം:പ്രായപൂർത്തിയാകാത്ത പെൺകുട്ടിയെ ലൈംഗികാതിക്രമത്തിന് ഇരയാക്കിയ കേസിൽ എക്സൈസ് വകുപ്പ് ഉദ്യോഗസ്ഥനെ മുണ്ടക്കയം പോലീസ് അറസ്റ്റുചെയ്തു.
മുണ്ടക്കയം പോലീസ് സ്റ്റേഷനിൽ രജിസ്റ്റർ ചെയ്ത
കേസിലെ പ്രതിയായ പുഞ്ചവയൽ ഇലവുങ്കൽ വീട് അരുൺ കുമാറി(46)നെയാണ് മുണ്ടക്കയം പോലീസ് അറസ്റ്റുചെയ്തത്.
പ്രതി കാഞ്ഞിരപ്പള്ളി എക്സൈസ് റേഞ്ച് ഓഫീസിലെ പ്രിവന്റീവ് ഓഫീസറാണ്. മുണ്ടക്കയം പോലീസ് കേസിൽ തുടർനടപടികൾ സ്വീകരിച്ചുവരികയാണ്. സഹപ്രവർത്തകയോട് മോശമായി പെരുമാറിയെന്ന പരാതിയെത്തുടർന്ന് ഇയാൾ നിലവിൽ സസ്പെൻഷനിലാണ്. ഈ സംഭവത്തിലും മുണ്ടക്കയം പോലീസ് ഇയാൾക്കെതിരെ കേസ് രജിസ്റ്റർ ചെയ്തിട്ടുണ്ട്
