കക്കിടിപ്പുറം കെവിയുപി സ്‌കൂളിലെ പൂര്‍വ വിദ്യാര്‍ഥി സംഘടനയുടെ ആഭിമുഖ്യത്തില്‍ ഓണാഘോഷം സംഘടിപ്പിച്ചു

ചങ്ങരംകുളം:കക്കിടിപ്പുറം കെവിയുപി സ്‌കൂളിലെ പൂര്‍വ വിദ്യാര്‍ഥി സംഘടനയുടെ ആഭിമുഖ്യത്തില്‍ ഓണാഘോഷം സംഘടിപ്പിച്ചു.’ഓര്‍മയിലെ ഓണം’ എന്ന പേരില്‍ ഉച്ചയോടെ ആരംഭിച്ച ആഘോഷപരിപാടിയില്‍ പൂര്‍വ്വ വിദ്യാര്‍ത്ഥികള്‍ക്കൊപ്പം അധ്യാപകരും നാട്ടുകാരും പങ്കാളികളായി.മനോഹരമായ പൂക്കളം തീര്‍ത്ത് ആഘോഷപരിപാടികള്‍ക്ക് തുടക്കം കുറിച്ചു.ഫാറൂക്കിന്റെയും സൂര്യന്‍ മാഷിന്റെയും കവിതയും ബിജുവും പ്രമോദും ഉദയന്‍ മാഷും ആലപിച്ച ഓണപ്പാട്ടുകളും ആഘോഷങ്ങള്‍ക്ക് മാറ്റ്കൂട്ടി.പൂര്‍വ്വ വിദ്യാര്‍ത്ഥികളുടെ നേതൃത്വത്തില്‍ നടന്ന പൂവിളിയും പൂപാട്ടുകളും ഓണപ്പാട്ടുകളും കൈകൊട്ടിക്കളിയും തുമ്പി തുള്ളലും ഓര്‍മയിലെ ഓണത്തിനെ ആഘോഷമാക്കി.