സ്വാതന്ത്രദിനാഘോഷങ്ങളുടെ ഭാഗമായി മത്സര പരിപാടികള്‍ സംഘടിപ്പിച്ചു

കുറ്റിപ്പുറം:സ്വന്തന്ത്ര ദിനാഘോഷത്തിന്റെ ഭാഗമായി ജില്ലാ മേരാ യുവ ഭാരത് ഓഫീസും ആതവനാട് മർകസ് ആർട്സ് ആൻഡ് സയൻസ് കോളേജും സംയുക്തമായി ജില്ലയിലെ കോളേജ് വിദ്യാർത്ഥികൾക്കായി വിവിധ മത്സര പരിപാടികൾ നടത്തി.പരിപാടി ആതവനാട് ഗ്രാമ പഞ്ചായത്തു പ്രസിഡന്റ് കെ ടി .ആസാദാലി ഉൽഘാടനം ചെയ്തു.കോളേജ് ഓഡിറ്റോറിയത്തിൽ നടന്ന ചടങ്ങിൽ കോളേജ് പ്രിൻസിപ്പാൾ ഡോ.സിപി മുഹമ്മദ് കുട്ടി അധ്യക്ഷനായി.പ്രസംഗ മത്സരത്തിൽ വാഴൂർ സാഫി കോളേജിലെ വിദ്യാർത്ഥികൾ ഒന്നും രണ്ടും സ്ഥാനവും ആതവനാട് മർക്കസ് കോളേജിലെ വിദ്യാർത്ഥിനി മൂന്നാം സ്ഥാനവും കരസ്ഥമാക്കി.പ്രശ്നോത്തരിയിൽ അരീക്കോട് സുല്ലമുസ്സലാം കോളേജ് ,കോട്ടക്കൽ ഫാറൂഖ് കോളേജ്, വളവന്നൂർ ബി .വൈ .കെ കോളേജ് യഥാക്രമം ഒന്നും രണ്ടും മൂന്നും സ്ഥാനങ്ങൾക്ക് അർഹമായി.വിജയികൾക്ക് വളാഞ്ചേരി മുനിസിപ്പൽ ചെയർപേഴ്സൺ വി . ഹസീന ക്യാഷ് അവാർഡും സെർട്ടിഫിക്കറ്റുകളും വിതരണം ചെയ്തു.കോളേജ് ഐ .ക്യു.എ .സി കോഓർഡിനേറ്റർ എം .പി .ഫസീല,വൈസ് പ്രിൻസിപ്പാൾ സി .സി മുഹമ്മദ് ഷാഫി,എൻഎൻഎസ്‌ പ്രോഗ്രാം ഓഫീസർ സിവി റയീസ് എന്നിവർ സംസാരിച്ചു.മുഹമ്മദ് ജസീൽ ,മുഹമ്മദ് റാസി ,വിജീഷ,ജിതിൻ ,ശറഫുദ്ധീൻ,യാസർ അറാഫത്ത് നേതൃത്വം നൽകി.പതിനഞ്ചു കോളേജുകൾ പരിപാടിയിൽ പങ്കെടുത്തു.കോളേജ് എൻഎൻഎസ്‌ വോളന്റീർമാർ വിവിധ പരിപാടികൾ സംഘടിപ്പിച്ചു.പികെ .ശറഫുദ്ധീൻ,റയീസ് സംസാരിച്ചു