ഈഴുവത്തിരുത്തിയിൽ സ്വാതന്ത്ര്യ ദിനാഘോഷം സംഘടിപ്പിച്ചു

​പൊന്നാനി: ഈഴുവത്തിരുത്തി കുറ്റിക്കാട് കുമ്പളത്തുപടി മേഖലാ കോൺഗ്രസ് കമ്മിറ്റിയുടെ നേതൃത്വത്തിൽ സ്വാതന്ത്ര്യ ദിനം വിപുലമായി ആഘോഷിച്ചു. പരിപാടിയുടെ ഭാഗമായി ദേശീയ പതാക ഉയർത്തലും മധുരപലഹാര വിതരണവും നടന്നു.
​ബ്ലോക്ക് കോൺഗ്രസ് വൈസ് പ്രസിഡന്റ് എ. പവിത്രകുമാറിന്റെ അധ്യക്ഷതയിൽ ചേർന്ന ചടങ്ങിൽ മുതിർന്ന കോൺഗ്രസ് നേതാവ് പാടാലി കുമാരൻ മാസ്റ്റർ ദേശീയ പതാക ഉയർത്തി.
​ചടങ്ങിൽ കുറ്റിരി ഗണേശൻ, പാലക്കൽ ഗഫൂർ, കെ. ശശിധരൻ, സി. വേലായുധൻ, സി. പി. അബൂബക്കർ, പി. ശ്രീജേഷ്, കെ. സനീഷ്, കൊടവത്ത് ജമാൽ, വി. പി. ചന്ദ്രൻ എന്നിവർ സംസാരിച്ചു.