സ്വാതന്ത്ര്യ ദിനത്തോടനുബന്ധിച്ച് രാഷ്ട്രപതിയുടെ പൊലീസ് സേനാ മെഡലുകൾ പ്രഖ്യാപിച്ചു. വിവിധ സേനകളിലെ 1057 പേരാണ് ധീരതയ്ക്കും സേവനത്തിനുമായുള്ള പുരസ്കാരത്തിന് അർഹരായത്.കേരളത്തിൽ നിന്ന് ശശിധരൻ ശങ്കരൻ (SP) , സ്തുത്യർഹസേവനത്തിന് രാജ്പാൽ മീണ (ഐജി), ബിനു ആർ പിള്ള (എസ്പി), രവികുമാർ വിആർ (DySP), ഉജ്വൽ കുമാർ ജി (SP), ജ്യോതിഷ് കുമാർ എസ്.എൽ (SI), സുരേഷ് ബാബു (DySP) എന്നിവരും സ്തുത്യർഹസേവനത്തിന് പുരസ്കാരത്തിന് അർഹരായി. ഫയർ സർവീസിൽനിന്ന് രാജേന്ദ്രൻ നായർ,സെബാസ്റ്റ്യൻ ജോസഫ് എന്നിവരും സുത്യർഹ സേവന പുരസ്കാരത്തിന് അർഹരായി. ജയിൽ സർവീസിൽനിന്ന് സുനിൽകുമാർ,മോഹൻദാസ് എം കെ എന്നിവരും രാഷ്ട്രപതിയുടെ മെഡൽ നേടി.
സ്വാതന്ത്യദിനത്തോടനുബന്ധിച്ച് 1057 ഉദ്യോഗസ്ഥര്‍ക്ക് ധീരതയ്ക്കും മികച്ച സേവനത്തിനുമുള്ള മെഡലുകള്‍ ലഭിച്ചതായി ആഭ്യന്തര മന്ത്രാലയം അറിയിച്ചു. പൊലീസ്, ഫയർ, ഹോം ഗാർഡ്, സിവിൽ ഡിഫൻസ് എന്നീ സേനകളില്‍ നിന്നുള്ള 1057 പേര്‍ക്കാണ് മെഡലുകളുള്ളത്. ജീവനും സ്വത്തിനും സംരക്ഷണം നൽകുന്നതിലും കുറ്റകൃത്യങ്ങൾ തടയുന്നതിലും കുറ്റവാളികളെ അറസ്റ്റ് ചെയ്യുന്നതിലും പ്രകടമായ ധീരതയ്ക്ക് അർഹമായതിന്‍റെ അടിസ്ഥാനത്തിലാണ് ധീരതയ്ക്കുള്ള മെഡൽ നൽകുന്നത്.
ധീരതയ്ക്കുള്ള 301 മെഡലുകളില്‍ 272 എണ്ണം പൊലീസ് ഉദ്യോഗസ്ഥര്‍ക്കും 29 എണ്ണം ഫയര്‍ സര്‍വീസ് ഉദ്യോഗസ്ഥര്‍ക്കുമാണ്. 301 ഗാലന്‍ററി അവാര്‍ഡുകള്‍ തീവ്രവാദ സാന്നിധ്യമുള്ള പ്രദേശങ്ങളില്‍ സേവനമനുഷ്‌ഠിക്കുന്ന 197 പേര്‍ക്കും ജമ്മു കശ്‌മീര്‍ മേഖലയില്‍ നിന്നുള്ള 51 പേര്‍ക്കും വടക്ക് കിഴക്കൻ മേഖലയിൽ നിന്നുള്ള 12 പേർക്കും മറ്റ് മേഖലകളിൽ നിന്നുള്ള 41 പേർക്കും ലഭിക്കും.
രാഷ്ട്രപതിയുടെ വിശിഷ്‌ട സേവന മെഡലുകള്‍ 92 പേര്‍ക്കാണുള്ളത്. ഇതില്‍ 83 എണ്ണം പൊലീസ് ഉദ്യോഗസ്ഥര്‍ക്കും നാലെണ്ണം ഫയർ സർവീസിനും മൂന്നെണ്ണം സിവിൽ ഡിഫൻസ് ആന്‍ഡ് ഹോം ഗാർഡ് സർവീസിനും 02 എണ്ണം കറക്ഷണൽ സർവീസിനും ലഭിച്ചു. 664 മെറിറ്റോറിയസ് സർവീസ് മെഡലുകളാണ് പ്രഖ്യാപിച്ചത്. 664 എം‌എസ്‌എമ്മുകളിൽ 606 എണ്ണം പൊലീസ് സർവീസിലേക്കും 28 എണ്ണം ഫയർ സർവീസിലേക്കും 18 എണ്ണം സിവിൽ ഡിഫൻസ് ആന്‍ഡ് ഹോം ഗാർഡ് സർവീസിലേക്കും 12 എണ്ണം കറക്ഷണൽ സർവീസിലേക്കുമാണുള്ളതെന്നും ആഭ്യന്തര മന്ത്രാലയം അറിയിച്ചു.
