സി.എം. മൊയ്തുണ്ണി സാഹിബ് സ്മാരക പുരസ്കാരം സി. ഹരിദാസിന്

എരമംഗലം:പൊന്നാനിയിലെ മുതിർന്ന കോൺഗ്രസ് നേതാവും മാറഞ്ചേരി ഗ്രാമപഞ്ചായത്ത് അംഗവും ജില്ലാ ബാങ്ക് ഡയറക്ടറുമായിരുന്ന സി.എം.മൊയ്തുണ്ണി സാഹിബിന്റെ സ്മരണർഥം ഏർപ്പെടുത്തിയ സി.എം. മൊയ്തുണ്ണി സാഹിബ് സ്മാരക പുരസ്കാരം ഗാന്ധിയനും മുതിർന്ന കോൺഗ്രസ്‌ നേതാവുമായ സി. ഹരിദാസിന് നൽകുമെന്ന് ഭാരവാഹികൾ വർത്താസമ്മേളനത്തിൽ അറിയിച്ചു.ഗാന്ധിയൻ സന്ദേശം ഉയർത്തിപ്പിടിക്കുന്ന പൊതുപ്രവർത്തനം പരിഗണിച്ചാണ് പുരസ്‌കാരം നൽകുന്നത്.ശനിയാഴ്ച മാറഞ്ചേരി മാസ്റ്റർപടി എം.യു.എം.എൽ.പി. സ്കൂളിൽ നടക്കുന്ന സി.എം. മൊയ്തുണ്ണി സാഹിബ് അനുസ്മരണ സമ്മേളനത്തിൽ കെ.പി. നൗഷാദലി എം.എൽ.എ. പുരസ്‌കാരം സമ്മാനിക്കും. പി.പി. സുനീർ എം.പി.അനുസ്മരണ പ്രഭാഷണവും അഷറഫ് കോക്കൂർ മുഖ്യപ്രഭാഷണവും നടത്തുമെന്നും സി പി മുഹമ്മദ്കുഞ്ഞി ഉൾപ്പെടെയുള്ളവർ പങ്കെടുക്കുമെന്നും സി.എം. മൊയ്തുണ്ണി സാഹിബ് സ്മാരക സാംസ്‌കാരിക വേദി ഭാരവാഹികൾ വന്നേരിനാട് പ്രസ്സ് ഫോറത്തിൽ നടന്ന വാർത്താസമ്മേളനത്തിൽ അറിയിച്ചു.ഭാരവാഹികളായ ആസാദ് ഇളയേടത്ത്‌,ഇബ്രാഹിം മലയംകുളത്തയിൽ, കബീർ കൂളത്ത്‌, യു. വഹാബ്,സി.എം.ആരിഫ് എന്നിവർ പങ്കെടുത്തു.