കല്ലുംപുറത്ത് കെഎസ്ആർടിസി ബസും മിനി പിക്കപ്പ് ലോറിയും കൂട്ടിയിടിച്ച് അപകടം. വെള്ളിയാഴ്ച രാത്രി ഒരു മണിയോടെയാണ് കല്ലുംപുറം ഖമർ പാലസ് ഓഡിറ്റോറിയത്തിന് മുന്നിൽ അപകടമുണ്ടായത്.
അപകടത്തിൽ മിനി പിക്കപ്പ് ലോറിയിലുണ്ടായിരുന്ന രണ്ട് പേർക്ക് ഗുരുതരമായി പരിക്കേറ്റു. പരിക്കേറ്റവരെ പെരുമ്പിലാവ് അൻസാർ ആശുപത്രിയിൽ പ്രവേശിപ്പിച്ചു.തിരുവല്ലയിൽ നിന്ന് കോഴിക്കോട് ഭാഗത്തേക്ക് പോവുകയായിരുന്ന കെഎസ്ആർടിസി ബസും കാസർകോട് നിന്ന് കോട്ടയം ഭാഗത്തേക്ക് സഞ്ചരിച്ചിരുന്ന മിനി പിക്കപ്പ് ലോറിയുമാണ് അപകടത്തിൽപ്പെട്ടത്.അപകടത്തിൽ നിയന്ത്രണം നഷ്ടപ്പെട്ട കെഎസ്ആർടിസി ബസ് പാതയോരത്തെ സുരക്ഷാ തൂണുകളിൽ ഇടിച്ചാണ് നിന്നത്.അപകടത്തെ തുടർന്ന് ഏറെ നേരം ദേശീയപാതയിൽ ഗതാഗതം തടസ്സപ്പെട്ടു. തുടർന്ന് ഹൈവേ പോലീസും കുന്നംകുളം പോലീസും സ്ഥലത്തെത്തി പരിശോധന നടത്തി .
