കാഞ്ഞിയൂർ ശ്രീ ഭഗവതി ക്ഷേത്രത്തിൽ രാമായണമാസാചരണങ്ങൾക്ക് ജൂലൈ 17 ന് വെള്ളിയാഴ്ച തുടക്കം കുറിക്കും

ചങ്ങരംകുളം:ശ്രീ കാഞ്ഞിയൂർ ഭഗവതി ക്ഷേത്രത്തിലെ
രാമായണമാസചാരണം കർക്കിടകം 1 ജൂലൈ 17 ന് വെള്ളിയാഴ്ച മുതൽ ആരംഭിക്കുമെന്ന് ക്ഷേത്രകമ്മിറ്റി ഭാരവാഹികൾ പറഞ്ഞു. ജൂലായ് 17 മുതൽ ആഗസ്റ്റ് 16 വരെയാണ് രാമായണമാസാചരണംനടക്കുക.കർക്കിടകം ഒന്നു മുതൽ കടവല്ലൂർ ഗംഗാധരൻ കൈലാഷി രാമായണ പാരായണവും ആഖ്യാനവും നിർവഹിക്കും,കർക്കിടകം 10 ജൂലായ് 26 ഞായറാഴ്ച കാലത്ത് 7.30 ന് ശ്രീ ഗംഗാധരൻ കൈലാഷി യുടെ കാർമികത്വത്തിൽ സർവ്വൈശ്വര്യപൂജ നടക്കും, കർക്കിടകം 31 ആഗസ്റ്റ് 16 ന് ഞായറാഴ്ച കാലത്ത് 7. 30ന് ക്ഷേത്രം തന്ത്രി ബ്രഹ്മശ്രീ:അണിമംഗലം നാരായണൻ നമ്പൂതിരിയുടെ മുഖ്യ കാർമികത്വത്തിൽ അഷ്ടദ്രവ്യമഹാഗണപതി ഹോമവും ഉണ്ടാകും.എല്ലാദിവസവും രാമായണ ആലാപനവും നടത്തും ആലാപനത്തിന് ക്ഷേത്രം മാതൃസമിതി നേതൃത്വം നൽകും.ഭഗവത് സേവ,വിശേഷാൽപൂജകളും പ്രസാദ വിതരണവും ഔഷധക്കഞ്ഞി വിതരണവും ഉണ്ടാകും.കർക്കിടകം 4 ജൂലൈ 20 ന് നാലമ്പല തീർത്ഥാടനയാത്രയും ഒരുക്കിയിട്ടുണ്ട്.