എടപ്പാൾ : കേരള അറബിക് ടീച്ചേർസ് ഫഡറേഷൻ സംസ്ഥാന സമിതി കേരളത്തിലെ പൊതു വിദ്യാഭ്യാസ വകുപ്പിൻ്റെ അനുമതി യോടെ പൊതു വിദ്യാലയങ്ങളിൽ അറബി ഭാഷ പഠിക്കുന്ന വിദ്യാർത്ഥികൾക്കായി നടത്തുന്ന അറബിക് ടാലൻ്റ് ടെസ്റ്റിൻ്റെ എടപ്പാൾ ഉപജില്ലാ തല മത്സരം ജൂലൈ 18 ശനിയാഴ്ച കാലടി ഗവ. എൽ പി സ്കൂളിൽ വെച്ച് നടക്കുമെന്ന് സംഘാടക സമിതി അറിയിച്ചു.
ഉപജില്ലയിലെ സ്കൂൾ തല മത്സരത്തിൽ ഒന്നാം സ്ഥാനം ലഭിച്ച വിദ്യാർത്ഥികളാണ് പങ്കെടുക്കുന്നത്. എൽ പി യു പി , ഹൈസ്ക്കൂൾ ഹയർ സെക്കഡറി വിഭാഗങ്ങളിൽ നിന്നായി നൂറിലധികം മത്സരാർത്ഥികൾ പങ്കെടുക്കും. സമാപന ചടങ്ങ് കാലടി ഗ്രാമ പഞ്ചായത്ത് പ്രസിഡൻ്റ് മുബഷിറ സിറാജ് ഉദ്ഘാടനം ചെയ്യും ബ്ലോക്ക് മെമ്പർ ഷാജി മാണൂർ, ഉപജില്ല വിദ്യാഭ്യാസ ഓഫീസർ മൊയ്തീൻ എ, ഇബ്രാഹിം മുതൂർ എന്നിവർ പങ്കെടുത്ത് സംസാരിക്കും.
മത്സരത്തിൽ പങ്കെടുക്കുന്നവർക്കും രക്ഷിതാക്കക്കും വിപുലമായ സൗകര്യങ്ങളാണ് സംഘാടക സമിതി ഒരുക്കിയിട്ടുള്ളത്.കെ. എ. ടി എഫ് എടപ്പാൾ ഉപജില്ലാ സമിതി നേതാക്കളായ അനീസ് കെ എ,ഫഹദ് വി,നൂർജഹാൻ പി,നബീൽ എം കെ, ഫൈസൽ സി വി , ഉബൈദ് വി,അബ്ദുൽ ജലീൽ പി,മുഹമ്മദ്, ഷരീഫ് സി കെ,അഷ്റഫ് മാസ്റ്റർ എന്നിവർ നേതൃത്വം നൽകും.
