പുന്നയൂർക്കുളം ഉപ്പുങ്ങൽ പാലായ്ക്കൽ പാടത്ത്കക്കൂസ് മാലിന്യം തള്ളൽ പതിവാകുന്നു’പ്രതിഷേധവുമായി നാട്ടുകാർ

പുന്നയൂർക്കുളം ഉപ്പുങ്ങൽ പാലായ്ക്കൽ പാടത്ത് കക്കൂസ് മാലിന്യം തള്ളുന്നത് പതിവാകുന്നു.കഴിഞ്ഞ രണ്ടാഴ്ചയ്ക്കിടെ മൂന്നാം തവണയാണ് ഈ ഭാഗത്ത് കക്കൂസ് മാലിന്യം തള്ളിയത്.പ്രദേശത്ത് സ്ഥിരമായി കക്കൂസ് മാലിന്യം
തള്ളിയിട്ടും അധികൃതർ
കണ്ണടക്കുയാണെന്നാണ് നാട്ടുകാരുടെ പരാതി. മാലിന്യം തള്ളൽ
പതിവായതോടെ
മേഖലയിലെ ശുദ്ധജലത്തിന് നിറ
വ്യത്യാസമുണ്ടാവുകയും, വെള്ളത്തിന്
മുകളിൽ പാടകെട്ടുകയും ചെയ്യുന്ന
സ്ഥിതിയാണ്.കക്കൂസ് മാലിന്യം കലർന്ന ജലം സമീപത്തെ വീട്ടുകിണറുകൾ അടക്കമുള്ള കുടിവെള്ള സ്രോതസ്സുകളിലേക്ക് എത്താൻ സാധ്യതയുണ്ടെന്നുള്ള ആശങ്ക നാട്ടുകാർക്കുണ്ട്.ഇത്തരം സാമൂഹിക വിരുദ്ധ പ്രവർത്തനങ്ങൾ നടത്തുന്നവരെ പിടികൂടാത്തതിൽ പൊലീസിനെതിരെ ജനരോഷം ശക്തമാണ്.