എടപ്പാൾ:പ്രമുഖ വിദ്യാഭ്യാസ-സാമൂഹ്യ പ്രവർത്തകനായിരുന്ന അന്തരിച്ച എം.വി. യൂസഫ് മാസ്റ്ററുടെ നാമധേയത്തിലുള്ള രണ്ടാമത്തെ പുരസ്കാരത്തിന് ഇബ്രാഹിം മുതൂരിന് പുരസ്കാര സമര്‍പ്പണം ഇന്ന് നടക്കും. 10,001 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം.വിദ്യാഭ്യാസ, സാമൂഹ്യ രംഗങ്ങളിലെ സമഗ്ര സംഭാവന മുൻനിർത്തിയാണ് പുരസ്കാരമെന്ന് ജൂറി കമ്മിറ്റി അംഗങ്ങളായ പാണക്കാട് റഷീദലി ശിഹാബ് തങ്ങൾ, അഷ്റഫ് കൊക്കൂർ, അടാട്ട് വാസുദേവൻ എന്നിവർ അറിയിച്ചു.
ഇന്ന് ജൂലൈ 11ന് രാവിലെ 11ന് പൂക്കരത്തറ ദാറുൽ ഹിദായ ഓർഫനേജ് ഹയർ സെക്കൻഡറി സ്കൂളിൽ നടക്കുന്ന സമ്മേളനത്തിൽ കേരള പൊതു വിദ്യാഭ്യാസ മന്ത്രി എന്‍ ശംസുദ്ധീന്‍ പുരസ്കാരം നൽകും.നാൽപതിലധികം വർഷം അധ്യാപകനായിരുന്ന ഇബ്രാഹിം മുതൂർ പൊതുരംഗത്തും മത-സാംസ്കാരിക-രാഷ്ട്രീയ മേഖലകളിലും സംസ്ഥാനതല സംഘടനകളിലും സജീവ സാന്നിധ്യമാണ്.
