പൊന്നാനി: റേഷൻ വ്യാപരികളുടെ സംഘടനയായ കേരളാ സ്റ്റേറ്റ് റീട്ടയിൽ റേഷൻ ഡീലേഴ്സ് അസോസിയേഷൻ (കെ.എസ്.ആർ.ആർ.ഡി.എ.) പൊന്നാനി താലൂക്ക് സമ്മേളനത്തിന് ഉജ്ജ്വല തുടക്കം. പൊന്നാനി തൃക്കാവ് നാസ് ഓഡിറ്റോറിയത്തിൽ നടന്ന പൊതുസമ്മേളനം കെ.പി. നൗഷാദ് അലി എം.എൽ.എ. ഉദ്ഘാടനം ചെയ്തു. ജവഹർലാൽ നെഹ്റുവിന്റെ ദീർഘവീക്ഷണമാണ് പൊതുവിതരണം രാജ്യത്ത് വ്യാപകമാക്കുന്നതിനു കാരണമായതെന്നും, റേഷൻ കടകൾ നവീകരിക്കുന്നതിനും പൊതുവിതരണ സംവിധാനം ശക്തിപ്പെടുത്തുന്നതിനും ആവശ്യമായ ഇടപെടലുണ്ടാകുമെന്നും അദ്ദേഹം പറഞ്ഞു. കെ.എസ്.ആർ.ആർ.ഡി.എ. പൊന്നാനി താലൂക്ക് പ്രസിഡന്റ് യു. മുഹമ്മദ്കുട്ടി അധ്യക്ഷനായി. അക്ബർ ഗ്രൂപ്പ് ചെയർമാൻ ആൻഡ് മാനേജിങ് ഡയറക്ടർ ഡോ. കെ.വി. അബ്ദുൽ നാസർ വിശിഷ്ടാതിഥിയായും പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് റമീന ഇസ്മായിൽ മുഖ്യാതിഥിയായും പങ്കെടുത്തു. കെ.എസ്.ആർ.ആർ.ഡി.എ. സംസ്ഥാന വർക്കിങ് പ്രസിഡന്റ് കാടാമ്പുഴ മൂസഹാജി മുഖ്യപ്രഭഷണം നടത്തി. അശോകപുരം നാരായണൻ സ്മാരക പ്രഥമ സംസ്ഥാന മാധ്യമ പുരസ്കാര ജേതാവും മാധ്യമ പ്രവർത്തകനുമായ ഫാറൂഖ് വെളിയങ്കോടിനു അക്ബർ ഗ്രൂപ്പ് ചെയർമാൻ ആൻഡ് മാനേജിങ് ഡയറക്ടർ ഡോ. കെ.വി. അബ്ദുൽ നാസർ ഉപഹാരം നൽകി ആദരിച്ചു. പൊന്നാനി നഗരസഭ കൗൺസിലർ യു. മുനീബ്, മുൻ നഗരസഭ ചെയർമാൻ സി.പി. മുഹമ്മദ്കുഞ്ഞി, കെ.എസ്.ആർ.ആർ.ഡി.എ. ജില്ലാ ജോയിന്റ് സെക്രട്ടറി സി.എം. അബൂബക്കർ, തിരൂർ താലൂക്ക് പ്രസിഡന്റ് ജയപ്രകാശ് വെങ്ങാലൂർ, സെക്രട്ടറി കെ. അബ്ദുൽ ഖാദർ, പൊന്നാനി താലൂക്ക് വൈസ് പ്രസിഡന്റ് പി.വി. മനോജ്കുമാർ, ജോയിന്റ് സെക്രട്ടറി പി.സി. ഇബ്രാഹിംകുട്ടി, എക്സിക്യൂട്ടീവ് അംഗം നൗഷാദ് പൊന്നാനി തുടങ്ങിയവർ പ്രസംഗിച്ചു.
ഫോട്ടോ: പൊന്നാനി തൃക്കാവ് നാസ് ഓഡിറ്റോറിയത്തിൽ നടന്ന കേരളാ സ്റ്റേറ്റ് റീട്ടയിൽ റേഷൻ ഡീലേഴ്സ് അസോസിയേഷൻ പൊന്നാനി താലൂക്ക് സമ്മേളനത്തിൽ അക്ബർ ഗ്രൂപ്പ് ചെയർമാൻ ആൻഡ് മാനേജിങ് ഡയറക്ടർ ഡോ. കെ.വി. അബ്ദുൽ നാസർ ഉപഹാരം നൽകികൊണ്ടു മാധ്യമ പ്രവർത്തകൻ ഫാറൂഖ് വെളിയങ്കോടിനെ ആദരിക്കുന്നു.
ഫോട്ടോ : പൊന്നാനി തൃക്കാവ് നാസ് ഓഡിറ്റോറിയത്തിൽ നടന്ന കേരളാ സ്റ്റേറ്റ് റീട്ടയിൽ റേഷൻ ഡീലേഴ്സ് അസോസിയേഷൻ പൊന്നാനി താലൂക്ക് സമ്മേളനം കെ.പി. നൗഷാദ് അലി എം.എൽ.എ. ഉദ്ഘാടനം ചെയ്യുന്നു.
