ഡോക്ടർമാരുടെ സേവനത്തിന് ആദരവുമായി മോഡേൺ ഹയർ സെക്കൻഡറി സ്കൂൾ

എടപ്പാൾ:ദേശീയ ഡോക്ടേഴ്സ് ഡേയുടെ ഭാഗമായി മോഡേൺ ഹയർ സെക്കൻഡറി സ്കൂൾ, പോട്ടൂരിലെ കേരള ഭാരത് സ്കൗട്ട്സ് ആൻഡ് ഗൈഡ്സ് കബ്-ബുൾബുൾ & ബണ്ണീസ് യൂണിറ്റ് ചേർന്ന് ഡോക്ടര്‍ ശ്രീജ റാണി ടി. ഗവ.ആയുർവേദ ഡിസ്പെൻസറി,കാലടി സീനിയര്‍ മെഡിക്കല്‍ ഓഫീസര്‍ എന്നിവരെ പൊന്നാട അണിയിച്ച് ആദരിച്ചു.ആരോഗ്യരംഗത്ത് അവർ കാഴ്ചവെക്കുന്ന നിസ്വാർത്ഥ സേവനത്തിനും സമർപ്പണത്തിനും ആദരസൂചകമായാണ് ചടങ്ങ് സംഘടിപ്പിച്ചത്.വിദ്യാർത്ഥികൾ ഡോക്ടർക്ക് ആശംസകൾ അർപ്പിക്കുകയും സ്നേഹോപഹാരം സമർപ്പിക്കുകയും ചെയ്തു.സ്കൂൾ പ്രിൻസിപ്പൽ എ. വി. സുഭാഷ് അധ്യക്ഷത വഹിച്ചു.വൈസ് പ്രിൻസിപ്പൽ അബ്ദുൽ അസീസ് ആശംസകൾ നേർന്നു.കബ്-ബുൾബുൾ & ബണ്ണീസ് യൂണിറ്റ് പരിപാടിക്ക് നേതൃത്വം നൽകി. അധ്യാപകരും വിദ്യാർത്ഥികളും ചടങ്ങിൽ പങ്കെടുത്തു.ചടങ്ങ് വിദ്യാർത്ഥികളിൽ സേവനമനോഭാവവും ആരോഗ്യപ്രവർത്തകരോടുള്ള ആദരവും വളർത്തുന്ന അനുഭവമായി.