ചാലിശ്ശേരി:ചാലിശ്ശേരിയിലെ മുൻകാല കോൺഗ്രസ് നേതാവായിരുന്ന,ജാതി-മത-രാഷ്ട്രീയ ചിന്തകൾക്ക് അതീതനായി ഏതൊരു സാധാരണക്കാരന്റെയും അത്താണിയായിരുന്ന പൊതുപ്രവർത്തകനും, ചാലിശ്ശേരി ഗ്രാമപഞ്ചായത്ത് അംഗവുമായരുന്ന എ.എം.മുഹമ്മദിന്റെ നാമധേയത്തിലുള്ള എ. എം.മുഹമ്മദ് സ്മാരക ട്രസ്റ്റിന്റെ ആഭിമുഖ്യത്തിൽ ആദരം-2026 സംഘടിപ്പിച്ചു.ചാലിശ്ശേരി കിഴക്കെ പട്ടിശ്ശരി ജി.ജെ.ബി.സ്കൂളിൽ നടന്ന അനുമോദന സദസ്സ് വി. ടി.ബൽറാം എംഎൽഎ ഉദ്ഘാടനം ചെയ്തു.
ട്രസ്റ്റ് ചെയർമാൻ ഗോപിനാഥ് പാലഞ്ചേരി അധ്യക്ഷത വഹിച്ചു.വാണിജ്യ സ്കൂബ ഡൈവിംഗ് ലൈസൻസ് നേടിയ ആദ്യ ഇന്ത്യൻ വനിതയും, പ്രൊഫഷണൽ സ്കൂബ ഡൈവിംഗ് സർട്ടിഫിക്കറ്റ് നേടിയ ആദ്യ കേരള വനിതയുമായ കെ.വി.അതുല്യ മുഖ്യാതിഥിയായി പങ്കെടുത്തു.2025-26 വർഷത്തെ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെയും വിവിധ മേഖലകളിൽ കഴിവു തെളിയിച്ചവരെയും ചടങ്ങിൽ ആദരിച്ചു.
ചാലിശ്ശേരി പഞ്ചായത്ത് പ്രസിഡന്റ് റംല വീരാൻകുട്ടി, ഡിസിസി ജനറൽ സെക്രട്ടറി കെ.ബാബുനാസർ,യുഡിഎഫ് ചാലിശ്ശേരി മണ്ഡലം ചെയർമാൻ സേതു മംഗലത്ത്,കോൺഗ്രസ് മണ്ഡലം പ്രസിഡന്റ് ഹുസൈൻ പുളിയഞാലിൽ, ബ്ലോക്ക് പഞ്ചായത്ത് അംഗം ബാവ മാളിയേക്കൽ,യൂത്ത് കോൺഗ്രസ് സംസ്ഥാന ജനറൽ സെക്രട്ടറി മുഹമ്മദ് പാറയിൽ,ജിജെബി സ്കൂൾ പ്രധാനാധ്യാപിക സിന്ധു, ട്രസ്റ്റ് രക്ഷാധികാരി പി.സി. ഗംഗാധരൻ, മാനേജിംഗ് ട്രസ്റ്റി എ.എം.ഷെഫീക്ക്,പി.കെ.കുഞ്ഞുമോൻ മുഹമ്മദ് പാറയിൽ, കെ.വി.കെ.മൊയ്തു, കോയ ഉണ്ണി ഹാജി,പ്രവാസി കോൺഗ്രസ് സംസ്ഥാന ജനറൽ സെക്രട്ടറി കെ.ഷംസുദ്ദീൻ, മാധ്യമപ്രവർത്തകൻ പ്രദീപ് ചെറുവാശ്ശേരി എന്നിവർ പങ്കെടുത്തു.
ലഹരി വിരുദ്ധ പ്രവർത്തനങ്ങളുടെ ഭാഗമായി സംസ്ഥാന സർക്കാരിന്റെ”ഓപ്പറേഷൻ തൂഫാൻ” പരിപാടിക്ക് ഐക്യദാർഢ്യം പ്രഖ്യാപിച്ചുകൊണ്ട് മദ്യത്തിനും മയക്കുമരുന്നിനും എതിരെയുള്ള കൂട്ടായ്മയായ ആൽക്കഹോളിക് അനോണിമസ് പ്രവർത്തകർ സദസ്സിൽ വച്ച് ലഹരി വിരുദ്ധ സന്ദേശം നൽകുകയും,ലഘുലേഖ വിതരണം നടത്തുകയും ചെയ്തു.
ആൽക്കഹോളിക് അനോണിമസ് അടിസ്ഥാന ഗ്രന്ഥമായ ബിഗ് ബുക്ക്‌ വി.ടി.ബൽറാമിന് പ്രവർത്തകർ നൽകി.മുഖ്യമന്ത്രിക്ക് ഗ്രന്ഥം സമർപ്പിക്കുന്നതിനായി എംഎൽഎ മുഖാന്തിരം കൈമാറുകയും ചെയ്തു. ട്രസ്റ്റ് രക്ഷാധികാരി എ എം യൂസഫ് സ്വാഗതവും പി കെ.മണികണ്ഠൻ നന്ദിയും പറഞ്ഞു.
