പൾസ് പോളിയോ ഇമ്മ്യൂണൈസേഷൻ’ചാലിശ്ശേരി പഞ്ചായത്ത്‌ തല ഉദ്ഘാടനം നടത്തി

ചാലിശ്ശേരി :ഭാരതത്തെ പോളിയോ വിമുക്തമാക്കുക എന്ന ലക്ഷ്യത്തോടെ നടക്കുന്ന പൾസ് പോളിയോ ഇമ്മ്യൂണൈസേഷൻ പരിപാടിയുടെ ചാലിശ്ശേരി പഞ്ചായത്ത് തല ഉദ്ഘാടനം നടന്നു.ചാലിശ്ശേരി ഗ്രാമപഞ്ചായത്തിന്റെയും,ചാലിശ്ശേരി സാമൂഹിക ആരോഗ്യ കേന്ദ്രത്തിന്റെയും, ഐസിഡിഎസ് ന്റെയും സംയുക്താഭിമുഖ്യത്തിൽ നടക്കുന്ന പോളിയോ തുള്ളി മരുന്ന് വിതരണ പരിപാടി ചാലിശ്ശേരി സിഎച്ച്സി യിൽ ചാലിശ്ശേരി പഞ്ചായത്ത് വികസനകാര്യ സ്ഥിരം സമിതി ചെയർപേഴ്സൺ സിജി സാബുവിന്റെ അധ്യക്ഷതയിൽ പഞ്ചായത്ത് പ്രസിഡന്റ് റംല വീരാൻകുട്ടി നിർവ്വഹിച്ചു.ഹെൽത്ത് ഇൻസ്പെക്ടർ ഇൻ ചാർജ് എസ്.ഉഷസ്,ജൂനിയർ ഹെൽത്ത് ഇൻസ്പെക്ടർമാരായ ജസീല ജെയിംസ്,ടി.പി.റാഷിദ,,പിഎച്ച്എൻ വി.ജി.അനുഷ,ജെപി.എച്ച്.എൻ എം.വി.ഉഷാദേവി,ആശ വർക്കർ കെ.പി.സ്മിത,പാലിയേറ്റീവ് വളണ്ടിയർ പ്രദീപ്‌ ചെറുവാശ്ശേരി എന്നിവർ പങ്കെടുത്തു.ചാലിശ്ശേരി സാമൂഹിക ആരോഗ്യ കേന്ദ്രം,സബ്ബ് സെന്ററുകൾ,സ്കൂളുകൾ,അങ്കണവാടികൾ എന്നിവിടങ്ങളിലായി 19 കേന്ദ്രങ്ങളിലാണ് ചാലിശ്ശേരി സിഎച്ച്സി ക്ക് കീഴിൽ ജൂൺ 28 ഞായറാഴ്ച രാവിലെ 8 മണി മുതൽ വൈകുന്നേരം 5 മണി വരെയാണ് പോളിയോ തുള്ളി മരുന്ന് വിതരണം നടക്കുന്നത്.