മാനവം സാംസ്കാരിക കൂട്ടായ്മ ഉന്നത വിജയം നേടിയ വിദ്യാര്‍ത്ഥികളെ ആദരിക്കുന്നതിനായി വിജയോത്സവം സംഘടിപ്പിച്ചു

ചങ്ങരംകുളം: കഴിഞ്ഞ ആറു വർഷക്കാലമായി നന്മയ്ക്കും ആലംകോട്,നന്നംമുക്ക് ഗ്രാമപഞ്ചായത്ത് പരിധിയിലെ കലാ-സാംസ്കാരിക-ജീവകാരുണ്യ പ്രവർത്തനങ്ങൾക്കും നേതൃത്വം നൽകുന്ന മാനവം സാംസ്കാരിക കൂട്ടായ്മ എസ്.എസ്.എൽ.സി.പ്ലസ് ടു,സി.ബി.എസ്.ഇ,എൽ എസ് എസ്, യു എസ് എസ് പരീക്ഷകളിൽ മികച്ച വിജയം നേടിയ വിദ്യാർഥികളെയും വിവിധ മേഖലകളിൽ മികവ് തെളിയിച്ച വ്യക്തികളെയും പുരസ്കാരം നല്‍കി ആദരിച്ചു.വിജയോത്സവം എന്ന പേരില്‍ ചങ്ങരംകുളം സ്നേഹ ഓഡിറ്റോറിയത്തിൽ നടന്ന ചടങ്ങ് മുന്‍ എംഎല്‍എ പി നന്ദകുമാര്‍ ഉദ്ഘാടനം ചെയ്തു.ചടങ്ങിന്റെ ഭാഗമായി വിദ്യാഭ്യാസ വിദഗ്ധനും ഫാറൂഖ് ട്രെയിനിങ് കോളേജിലെ അസിസ്റ്റന്റ് പ്രൊഫസറുമായ ഡോ. കെ. എം. ഷെരീഫ് വിദ്യാർഥികൾക്കും രക്ഷിതാക്കൾക്കുമായി നയിച്ച മോട്ടിവേഷൻ ക്ലാസ് ശ്രദ്ധേയമായി.ആലംകോട്,നന്നംമുക്ക് ഗ്രാമപഞ്ചായത്ത് പരിധിയിലെ സ്കൂളുകളില്‍ നിന്ന് മികച്ച വിജയം നേടിയ വിദ്യാര്‍ത്ഥികളാണ് ആദരവ് ഏറ്റ് വാങ്ങിയത്.മുന്‍ സ്പീക്കര്‍ പി ശ്രീരാമകൃഷ്ണന്‍ വിജയികള്‍ക്ക് ഉപഹാരങ്ങള്‍ നല്‍കി.ടി സത്യന്‍ ചടങ്ങില്‍ അധ്യക്ഷത വഹിച്ചു.മിസിരിയ സൈഫുദ്ധീന്‍,ജനു മൂക്കുതല തുടങ്ങിയവര്‍ സംസാരിച്ചു.കോഴിക്കല്‍ കരീം സ്വാഗതം പറഞ്ഞ ചടങ്ങില്‍ പി മന്‍സൂര്‍ നന്ദി പറഞ്ഞു