മൂക്കുതല സ്കൂളിൽ പുതുതായി നിർമ്മിച്ച ക്ലാസ് മുറികളുടെ ഉദ്ഘാടനവും വിജയോത്സവവും നടന്നു

ചങ്ങരംകുളം:മൂക്കുതല പി ചിത്രൻ നമ്പൂതിരിപ്പാട് ഗവൺമെന്റ് ഹയർ സെക്കൻഡറി സ്കൂളിൽ പുതുതായി നിർമ്മിച്ച ക്ലാസ് മുറികളുടെ ഉദ്ഘാടനവും വിജയോത്സവവും നടന്നു.പൊന്നാനി നിയോജകമണ്ഡലം എം എൽ എ.കെ പി.നൗഷാദ് അലി ഉദ്ഘാടനം നിർവഹിച്ചു. സ്കൂൾ പിടിഎ പ്രസിഡന്റ് പ്രണവം പ്രസാദ് അധ്യക്ഷത വഹിച്ച ചടങ്ങിൽ നന്നംമുക്ക് ഗ്രാമപഞ്ചായത്ത് പ്രസിഡന്റ് ശാന്തിനി രവീന്ദ്രൻ മുഖ്യാതിഥിയായി പങ്കെടുത്തു. ജില്ലാ പഞ്ചായത്ത് ഡിവിഷൻ മെമ്പർ അഷ്ഹർ പെരുമുക്ക്,നന്നംമുക്ക് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ മുസ്തഫ ചാലുപറമ്പിൽ,പെരുമ്പടപ്പ് ബ്ലോക്ക് ഡിവിഷൻ മെമ്പർ സജ്ന ഫിറോസ്,വാർഡ് മെമ്പർ നിഷ ബാബു,എസ് എം സി ചെയർമാൻ എം.എ.ലത്തീഫ്, എം പി ടി എ ചെയർ പേഴ്സൺ വിഷ്ണുപ്രിയ, മുൻ പി ടി എ പ്രസിഡന്റ് അബ്ദുൽ ജലാൽ, മുൻ എസ് എം സി ചെയർമാൻ റഷീദ് മുതുകാട്, സ്റ്റാഫ് സെക്രട്ടറി ടി.കെ ജയദേവ്,ഹയർസെക്കൻഡറി വിഭാഗം അക്കാദമിക് കൺവീനർ ജസീന പി പോൾ, ഹൈസ്കൂൾ വിഭാഗം അക്കാദമിക് കൺവീനർ പി കെ ശശികുമാർ, യുപി വിഭാഗം അക്കാദമി കൺവീനർ അനിത എന്നിവർ പങ്കെടുത്തു. ചടങ്ങിന് സ്കൂൾ പ്രിൻസിപ്പാൾ സി വി മണികണ്ഠൻ സ്വാഗതവും പ്രോഗ്രാം കൺവീനർ ടിജോ തോമസ് നന്ദിയും പറഞ്ഞു.