ജി.സി സി ക്ലബ്ബ് അജയൻ ചാലിശ്ശേരിയെയും ലബീബിനെയും ആദരിച്ചു

ചാലിശ്ശേരി: സംസ്ഥാന കലാസംവിധാനത്തിന് അവാർഡ് നേടിയ അജയൻ ചാലിശ്ശേരിയെയും സീനിയർ നാഷണൽ 7-ാമത് സെസ്റ്റോബോൾ ചാമ്പ്യൻഷിപ്പിൽ കേരള ടീമിൽ ഇടം നേടിയ ജി.സി.സി ക്ലബ് താരം ലബീബിനെയും ജി.സി.സി ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ അനുമോദിച്ചു.നിരവധി സിനിമകൾക്ക് കലാസംവിധാനം ഒരുക്കി സംസ്ഥാനതലത്തിൽ ശ്രദ്ധേയമായ നേട്ടം കൈവരിച്ച അജയൻ ചാലിശ്ശേരിയെ ക്ലബ് പ്രസിഡന്റ് ഷാജഹാൻ നാലകത്ത്, സെക്രട്ടറി ജിജുജേക്കബ്, ട്രഷറർ എ.എം. ഇക്ബാൽ മറ്റു എക്സ്ക്യൂട്ടീവ് ഭാരവാഹികളുടെ നേതൃത്വത്തിൽ പൊന്നാട അണിയിച്ചും ഉപഹാരം നൽകിയും ആദരിച്ചു.കേരള സെസ്റ്റോബോൾ ടീമിലേക്ക് തിരഞ്ഞെടുക്കപ്പെട്ട ലബീബിന് ചാലിശ്ശേരി സ്വദേശി അജയൻ ചാലിശ്ശേരിയും ,എറണാകുളത്തെ സിതാര ജ്വല്ലേഴ്‌സ് ഉടമ സജയനും ചേർന്ന് അനുമോദിച്ചു.ദേശീയ മത്സരത്തിൽ മികച്ച വിജയം കൈവരിക്കട്ടെയെന്ന് ആശംസിച്ചു.ചടങ്ങ് ഗ്രാമപഞ്ചായത്ത് പ്രസിഡന്റ് റംല വീരാൻകുട്ടി ഉദ്ഘാടനം ചെയ്തു.ക്ലബ് പ്രസിഡന്റ് ഷാജഹാൻ നാലകത്ത് അധ്യക്ഷത വഹിച്ചു.ബ്ലോക്ക് പഞ്ചായത്ത് അംഗം ഹുസൈൻ പുളിയഞ്ഞാലിൽ,പഞ്ചായത്ത് അംഗങ്ങളായ എ വിജയൻ , ആനുവിനു , സജീഷ് കളത്തിൽ, ക്ലബ് രക്ഷാധികാരി ബാബു നാസർ,വൈസ് പ്രസിഡന്റ് സി.വി. മണികണ്ഠൻ, ജോ സെക്രട്ടറി ഹമീദ് തുറക്കൽ എന്നിവർ സംസാരിച്ചു.കലാരംഗത്തും കായികരംഗത്തും മികവ് തെളിയിച്ച പ്രതിഭകളെ ആദരിച്ച ചടങ്ങ് ശ്രദ്ധേയമായി.