സംസ്കാരസാഹിതി പൊന്നാനിയിൽ സലിംകുമാർ അനുസ്മരണം നടത്തി

പൊന്നാനി :പൊതുസമൂഹത്തെ സാംസ്കാരിക രംഗവുമായി കൂട്ടിയിണക്കുന്ന പാലമായി പ്രവർത്തിക്കാൻ കോൺഗ്രസിന്റെ സാംസ്കാരിക വിഭാഗമായ സംസ്കാര സാഹിതിക്ക് കഴിയണമെന്ന് കെ. പി. നൗഷാദ് അലി എംഎൽഎ പറഞ്ഞു. സ്ഥാനമാനങ്ങൾക്ക് വേണ്ടി സ്വന്തം ആശയങ്ങളും ആദർശങ്ങളും പണയപ്പെടുത്താൻ തയ്യാറാകാത്ത തന്റേടിയായ കലാകാരനായിരുന്നു ഭരത് അവാർഡ് ജേതാവ് കൂടിയായ മലയാളത്തിൻ്റെ മഹാനടൻ സലിംകുമാർ എന്നും അദ്ദേഹം അഭിപ്രായപ്പെട്ടു.പള്ളപ്രം പി.ടി. മോഹന കൃഷ്ണൻ സ്മാരക സൗധത്തിൽ നടന്ന സംസ്കാര സാഹിതി പൊന്നാനി നിയോജക മണ്ഡലം കമ്മിറ്റിയുടെ സലിംകുമാർ അനുസ്മരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.പൊന്നാനി നിയോജകമണ്ഡലം ചെയർമാൻ ടി. പി. ശബരീഷ് കുമാർ അധ്യക്ഷത വഹിച്ചു.ജില്ലാ ജനറൽ സെക്രട്ടറി ഇടവേള ഷാഫി, സംസ്കാരസാഹിതി സംസ്ഥാന ജനറൽ സെക്രട്ടറി പ്രണവം പ്രസാദ്,സംസ്കാരസാഹിതി മലപ്പുറം ജില്ലാ ട്രഷറർ അടാട്ട് വാസുദേവൻ, മലപ്പുറം ജില്ല ജനറൽ സെക്രട്ടറി രഞ്ജിത്ത് പൊന്നാനി, പൊന്നാനി ബ്ലോക്ക് മഹിളാ കോൺഗ്രസ് പ്രസിഡണ്ട് ജാസ്മിൻ, കലാഭവൻ അഷ്റഫ്, പൊന്നാനി നിയോജകമണ്ഡലം ജനറൽ കൺവീനർ മഹേഷ് ബാബു സ്വാഗതവും, ട്രഷറർ മുഹമ്മദ് ശരീഫ് നന്ദിയും പറഞ്ഞു.