തെരുവ് നായകളുടെ ശല്ല്യം രൂക്ഷം’ചങ്ങരംകുളം ആലംകോട് 6 വയസുകാരനടക്കം മൂന്ന് പേര്‍ക്ക് തെരുവ് നായയുടെ കടിയേറ്റു

ചങ്ങരംകുളം:തെരുവ് നായകളുടെ ശല്ല്യം രൂക്ഷമായ ആലംകോട് മൂന്ന് പേര്‍ക്ക് കൂടി തെരുവ് നായയുടെ അക്രമത്തില്‍ പരിക്കേറ്റു. പന്താവൂര്‍ സ്വദേശി പട്ടാംകുന്ന് അഫ്സല്‍ ഇര്‍ഷാദി(47)ആലംകോട് സ്വദേശികളായ മണാളത്ത് വളപ്പില്‍ മുഹമ്മദ് അലന്‍(6)വലിയകത്ത് അജ്മല്‍ (28)എന്നിവര്‍ക്കാണ് കടിയേറ്റത്.ഞായറാഴ്ച കാലത്ത് 9 മണിയോടെ ആലംകോട് ജുമാമസ്ജിദിന് മുന്‍വശത്ത് വെച്ചാണ് 6 വയസുള്ള മുളമ്മദ് അലനെ തെരുവ് നായ അക്രമിച്ചത്.സംഭവം കണ്ട് തടയാന്‍ ശ്രമിച്ച മദ്രസ്സ അധ്യാപകന്‍ കൂടിയായ അഫ്സല്‍ ഇര്‍ഷാദിയെയും,കുട്ടിയുടെ ബന്ധുവായ അജ്മലിനെയും തെരുവ് നായ അക്രമിക്കുകയായിരുന്നു.പരിക്കേറ്റ മൂന്ന് പേരെയും ചികിത്സക്കായി തൃശ്ശൂര്‍ മെഡിക്കല്‍ കോളേജിലേക്ക് കൊണ്ട് പോയിരിക്കുകയാണ്.അക്രമം നടത്തിയ തെരുവ് നായയെ പിന്നീട് നാട്ടുകാര്‍ ചേര്‍ന്ന് തല്ലിക്കൊന്നു.കാലത്ത് ക്ഷീര കർഷകനായ ചേലാക്കൽ നിഷാദിനെയും നായ ആക്രമിക്കാൻ ശ്രമിച്ചിരുന്നു.ഒരാഴ്ച മുമ്പ് പ്രദേശത്ത് ചേലാക്കല്‍ ഷിബില ഷെറിന് തെരുവ് നായയുടെ കടിയേറ്റിരുന്നു.തെരുവ് നായ ഓടിച്ചതിനെ തുടര്‍ന്ന് തോണിയറയില്‍ മുഹമ്മദ് ഷയാന്‍ (12)എന്ധ വിദ്യാര്‍ത്ഥിക്ക് വീണ് പരിക്കേല്‍ക്കുകയും ചെയ്തു.പ്രദേശത്തെ തെരുവ് നായകളുടെ ശല്ല്യം തടയാന്‍ നടപടി എടുക്കണമെന്നാവശ്യപ്പെട്ട് നാട്ടുകാരും വിദ്യാര്‍ത്ഥികളും അടക്മുള്ളവര്‍ നേരത്തെ പോലീസിനും പഞ്ചായത്തിനും നിവേദനങ്ങളും പരാതികളും നല്‍കിയിരുന്നെങ്കിലും നടപടികള്‍ ഒന്നും ഉണ്ടായില്ലെന്നും നാട്ടുകാര്‍ക്ക് പരാതിയുണ്ട്