സാഹിത്യോത്സവുകൾ രാജ്യത്തിന്റെ പ്രതീക്ഷ :അഡ്വ. വി എസ് ജോയ് എം.എൽ എ

എടപ്പാൾ :കലാകൗമാരങ്ങളുടെ മഹോത്സവമാണ് സാഹിത്യോത്സവുകളെന്നും കലകൾ കൊലകളായി മാറുന്ന കാലത്ത്, കലയും സാഹിത്യവും പാരമ്പര്യത്തനിമയിൽ തിരിച്ചുപിടിക്കുന്നതിനുള്ള എസ് എസ് എഫിന്റെ ശ്രമങ്ങൾ ശ്രദ്ധേയമാണെന്നും അഡ്വ . വി എസ് ജോയ് എം എൽ എ.ജുലൈ 11, 12 തിയ്യതികളിൽ എടപ്പാളിൽ നടക്കുന്ന എസ് എസ് എഫ് ജില്ലാ സാഹിത്യോത്സവിന്റെ
സ്വാഗത സംഘം ഓഫീസ് ” വീ ഹബ്ബ് ” ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.കാലത്തിന്റെ കോപ്രായങ്ങൾക്ക് വിധേയപ്പെടാതെ ആധുനിക തയും പാരമ്പര്യവും സമന്വയിപ്പിച്ചുളള സാഹിത്യോത്സവുകൾ സമുദായത്തിന് മാത്രമല്ല രാജ്യത്തിനും വലിയ പ്രതീക്ഷകൾ നൽകുന്നതായി അദ്ദേഹം തുടർന്നു.പ്രൊജക്റ്റ് കൗൺസിൽ ചെയർമാൻ സയ്യിദ് എസ് ഐ കെ തങ്ങൾ അധ്യക്ഷത വഹിച്ചു.സമസ്ത മേഖല പ്രസിഡണ്ട് വി വി അബ്ദുറസാഖ് ഫൈസി, കെ സിദ്ധീഖ് മൗലവി അയിലക്കാട്,വാരിയത്ത് മുഹമ്മദലി, സി വി അബ്ദുൽ ജലീൽ അഹ്സനി, പി നജീബ് അഹ്സനി , അഡ്വ. അബ്ദുൽ മജീദ് , പി റഫീഖ് അഹ്സനി, ഉവൈസ് തണ്ടിലം സംബന്ധിച്ചു.
ജില്ലയിലെ 4000 പ്രതിഭകൾ 250 ഇനങ്ങളിൽ മത്സരിക്കും എടപ്പാൾ ടൗണിലെ പ്രത്യേകം സജ്ജീകരിച്ച വേദികളിലാണ് മത്സരങ്ങൾ നടക്കുക