വളാഞ്ചേരി ദേശീയപാതയിൽ ബൈക്ക് അപകടം;കാസർഗോഡ് സ്വദേശിയായ യുവാവിന് ദാരുണാന്ത്യം

വളാഞ്ചേരി:ദേശീയപാതയിൽ ഉണ്ടായ ബൈക്ക് അപകടത്തില്‍ കാസർഗോഡ് സ്വദേശിയായ യുവാവ് മരിച്ചു.കാസർകോട്, മഞ്ചേശ്വരം വോർകാടി സ്വദേശിയും,തൊക്കെപാടിൽ അബ്ബാസ് എന്നവരുടെ മകനുമായ ബദറുൽ അഫീസ്(24)ആണ് മരിച്ചത്.വളാഞ്ചേരി കഞ്ഞിപ്പുര ദേശീയപാതയിൽ സി.ഐ ഓഫീസിന് സമീപമാണ് ബൈക്ക് അപകടത്തിൽ പെട്ടത്.കുറ്റിപ്പുറം ഭാഗത്തുനിന്ന് കോഴിക്കോട് ഭാഗത്തേക്ക് പോവുകയായിരുന്ന ബൈക്ക് ദേശീയപാതയോരത്തെ സൈഡ് ഭിത്തിയിൽ ഇടിച്ചാണ് അപകടം.ഇടിയുടെ ആഘാതത്തിൽ ബൈക്ക് മീറ്ററുകളോളം ദൂരത്തേക്ക് തെറിച്ചു വീണതായി ദൃക്സാക്ഷികൾ പറഞ്ഞു.ഗുരുതരമായി പരിക്കേറ്റ അഫീസിനെ വളാഞ്ചേരിയിലെ നടക്കാവിൽ ആശുപത്രിയിൽ എത്തിച്ചെങ്കിലും മരണം സംഭവിച്ചു.