വായനദിനാചരണവുമായി പാവിട്ടപ്പുറം എ ആർ എച്ച് എസ് വിദ്യാർത്ഥിനികൾ

ചങ്ങരംകുളം:പാവിട്ടപ്പുറം എ ആർ എച്ച് എസ് എസ് ഫോർ ഗേൾസ് സ്കൂളിലെ നാഷണൽ സർവ്വീസ് സ്‌കീം യൂണിറ്റിന്റെ നേതൃത്വത്തിൽ വായനാ ദിനം സമുചിതമായി ആഘോഷിച്ചു.എഴുത്തുകാരിയും സാംസ്കാരികപ്രവർത്തകയുമായ തുളസി പരിപാടി ഉദ്ഘാടനം ചെയ്തു.ദിനാചരണത്തിൻ്റെ ഭാഗമായി നാഷണൽ സർവീസ് സ്‌കീം വോളന്റിയേഴ്സ് ശേഖരിച്ച പുസ്‌തകങ്ങൾ സ്കൂൾ ലൈബ്രറിയിലേക്കും തൊട്ടടുത്ത സ്‌കൂളായ എം എൽ പി സ്കൂൾ ഒതളൂർ സൗത്ത്സ്കൂളിലെ ലൈബ്രറിയിലേക്കും കൈമാറി.”അമ്മ വായന” എന്ന പേരിൽ സ്കൂളിലെ കുട്ടികളുടെ രക്ഷിതാക്കൾക്കായി പ്രത്യേക പുസ്തക വായനാ മത്സരവും സംഘടിപ്പിച്ചു.രക്ഷിതാക്കളുടെ സജീവ പങ്കാളിത്തം പരിപാടിക്ക് മാറ്റുകൂട്ടി. അമ്മ വായനയിൽ ഷീല വി എസ് ഒന്നാം സ്ഥാനം നേടി.പ്രിൻസിപ്പാൾ വില്ലിംഗ്ടൺ പി വി അധ്യക്ഷത വഹിച്ച ചടങ്ങിൽ എൻ എസ് സ് പ്രോഗ്രാം ഓഫീസർ സജ്ന എസ് സ്വാഗതം പറഞ്ഞു. വോളന്റിയർ ലീഡർ നിയ കെ എം നന്ദി പ്രകാശിപ്പിച്ചു.അധ്യാപകരായ സുരേഷ് ബാബു കെ. എം ,,ക്രിസ്റ്റീന ജോർജ്, ജംസിയ ബി.പി,അനിൽ കെ , സുമിത ടി എസ് എന്നിവർ സംസാരിച്ചു