കെ ജി ക്ലാസ് ഉദ്ഘാടനവും അവാര്‍ഡ് ദാന ചടങ്ങും നടത്തി

എടപ്പാൾ ദാറുൽ ഹിദായ ഹയർ സെക്കണ്ടറി സ്കൂളില്‍ ആന്വൽ അവാർഡ് സെറിമണിയും കെജി ക്ലാസ് ഉദ്ഘാടനവും നടത്തി. സമസ്ത കേന്ദ്ര മുശാവറ മെമ്പറും പി ടി എം ഒ എ വൈസ് പ്രസിഡന്‍റുമായ ശൈഖുനാ എം വി ഇസ്മാഈല്‍ മുസ്ലിയാര്‍ കെ ജി വിദ്യാര്‍ത്ഥികള്‍ക്ക് പ്രാര്‍ത്ഥനയോടെ പഠനാരംഭം കുറിച്ചു. ആന്വല്‍ അവാര്‍ഡ് സെറിമണിയില്‍ ഈ വര്‍ഷം എസ് എസ് എൽ സി പരീക്ഷയിൽ ഫുൾ എ പ്ലസ് നേടിയ വിദ്യാർത്ഥികൾക്കും സമസ്ത പൊതുപരീക്ഷയിൽ ടോപ്പ് പ്ലസ് നേടിയ വിദ്യാർത്ഥികൾക്കും എൽ എസ് എസ്, യു എസ് എസ് നേടിയ വിദ്യാർത്ഥികൾക്കും എക്സലൻസ് അവാർഡ് നേടിയ വിദ്യാർഥികൾക്കുമുള്ള അവാർഡ് വിതരണം ചെയ്തു. തവനൂർ നിയോജകമണ്ഡലം എം എൽ എ ശ്രീ വി എസ് ജോയ് ഉദ്ഘാടന കർമ്മം നിർവഹിച്ചു. സയ്യിദ് കെ എസ് കെ തങ്ങള്‍ മുഖൈബിലി നടക്കാവ് പി ടി എം ഓ എ സെക്രട്ടറിമാരായ പി വി മുഹമ്മദ് മൗലവി, ഇബ്രാഹിം മൂതൂർ, പ്രൊഫ: ഡോ: മുഹമ്മദുണ്ണി ഏലിയാസ് മുസ്തഫ, ദാറുല്‍ ഹിദായ കമ്മിറ്റി അംഗങ്ങളായ വികെ കുഞ്ഞുമോന്‍ ഹാജി, ടി എ റഷീദ് ഫൈസി പൂക്കരത്തറ, സി കെ മുഹമ്മദ് ഹാജി, എ വി അസീസ് മൗലവി, അബ്ദുല്ലക്കുട്ടി ഹാജി, പ്രിന്‍സിപ്പള്‍ പി സി ഹൈദ്രു, സ്വദര്‍ മുഅല്ലിം ശരീഫ് ഫൈസി, പിടിഎ പ്രസിഡന്‍റ് അനീഷ് പി എച്ച്, എന്നിവര്‍ സംബന്ധിച്ചു.