വളാഞ്ചേരിയില്‍ മദ്യലഹരിയിലായിരുന്ന പിതാവിന്റെ മര്‍ദനമേറ്റ് 17 വയസുകാരന്‍ മരിച്ചു

മലപ്പുറം വളാഞ്ചേരിയില്‍ മദ്യലഹരിയിലായിരുന്ന പിതാവിന്റെ മര്‍ദനമേറ്റ് 17 വയസുകാരന്‍ മരിച്ചു.വൈക്കത്തൂര്‍ പച്ചീരിയില്‍ സ്വദേശി ശ്യാകൃഷ്ണന്‍ ആണ് മരിച്ചത്. പിതാവ് മങ്കുഴിയില്‍ ശബരി പൊലീസ് കസ്റ്റഡിയിലാണ്.ഇന്നലെയാണ് ശ്യാംകൃഷ്ണന് ശബരിയുടെ മര്‍ദനമേറ്റത്.മദ്യപിച്ചെത്തിയ പിതാവുമായി ശ്യാം തര്‍ക്കത്തില്‍ ഏര്‍പ്പെടുകയായിരുന്നു. തര്‍ക്കത്തിനിടെ പിതാവിന്റെ അബദ്ധത്തില്‍ ഉള്ള അടിയേറ്റ് ശ്യാം നിലത്ത് വീണു. യുവാവിനെ ഉടന് തന്നെ ആശുപത്രിയിലെത്തിച്ചിരുന്നു.പെരിന്തല്‍മണ്ണയിലെ സ്വകാര്യ ആശുപത്രിയില്‍ ഇരിക്കെയാണ് ശ്യാം മരിച്ചത്.വളാഞ്ചേരി ഹയര്‍ സെക്കന്ററി സ്‌കൂളിലെ പ്ലസ് ടു വിദ്യാര്‍ത്ഥി ആയിരുന്നു.പരീക്ഷയ്ക്ക് മാര്‍ക്ക് കുറഞ്ഞതുമായി ബന്ധപ്പെട്ടാണ് ശ്യാമും പിതാവും തമ്മില്‍ തര്‍ക്കമുണ്ടായതെന്നാണ് സൂചന. അബദ്ധത്തില്‍ മര്‍ദനമേറ്റ് ശ്യാം വീണപ്പോള്‍ ശബരി തന്നെയാണ് മകനെ അതിവേഗം ആശുപത്രിയിലെത്തിച്ചത്. ശബരിയെ പൊലീസ് കസ്റ്റഡിയിലെടുത്തു.