കെ വി വി ഇ എസ് ചങ്ങരംകുളം യൂണിറ്റ് ദ്വൈവാർഷിക വാർഷിക ജനറൽ ബോഡിയോഗം ജൂൺ 3 ന്

ചങ്ങരംകുളം:കേരള വ്യാപാരി വ്യവസായി ഏകോപനസമിതി ചങ്ങരംകുളം യൂണിറ്റ് കമ്മിറ്റി ജനറൽ ബോഡി യോഗവും, മരണാനന്തര സഹായ വിതരണവും, എസ് എസ് എൽ സി ,പ്ലസ് ടു വിദ്യാർത്ഥികൾക്കുള്ള അവാർഡ് ദാനവും, ചികിത്സാ സഹായ വിതരണവും 2026 –28 വർഷത്തേക്കുള്ള പുതിയ ഭരണ സമിതി തെരഞ്ഞെടുപ്പും ജൂൺ 3 ന് കാലത്ത് 9 .30 ന് മുതൽ 2 മണിവരെ ചങ്ങരംകുളം സ്നേഹ ഓഡിറ്റോറിയത്തിൽ വച്ച് നടത്താൻ കേരള വ്യാപാരി വ്യവസായി ഏകോപനസമിതി ചങ്ങരംകുളം യൂണിറ്റ് എക്സിക്യൂട്ടീവ് യോഗം തീരുമാനിച്ചു.കെ വി വി ഇ എസ്സ് സംസ്ഥാന വർക്കിംഗ് പ്രസിഡണ്ട് പി.കുഞ്ഞാവു ഹാജി ,ബഹു.കെ.പി. നൗഷാദ് അലി എം എൽ എ, യൂത്ത് വിംഗ് സംസ്ഥാന പ്രസിഡൻറ് അക്രം ചുണ്ടയിൽ, ജില്ലാ വൈസ് പ്രസിഡണ്ട് പ്രകാശ് എടപ്പാൾ, ആലങ്കോട് ഗ്രാമപഞ്ചായത്ത് പ്രസിഡണ്ട് ആസിയ ഇബ്രാഹിം ,നന്നം മുക്ക് ഗ്രാമ പഞ്ചായത്ത്പ്രസിഡൻറ് ശാന്തിനി രവീന്ദ്രൻ , യൂണിറ്റ് രക്ഷധികാരി കെ .വി സെക്കീർ അയിലക്കാട്, മണ്ഡലം കെ വി വി ഇ എസ് പ്രസിഡൻറ് ഫൈസൽ മാറഞ്ചേരി തുടങ്ങിയവർ സംബന്ധിക്കും. ജീവകാരുണ്യ പ്രവർത്തന രംഗത്തെ നിറസാന്നിധ്യമായ ശ്രീജേഷ് പന്താവൂരിനെ ചടങ്ങിൽ വച്ച് അവാർഡ് നൽകി ആദരിക്കും .ജൂൺ 3 ന് ബുധനാഴ്ച ഉച്ചക്ക് 2 മണി വരെ വ്യാപാര സ്ഥാപനങ്ങൾ മുടക്കമായിരിക്കും. പി പി ഖാലിദ് അദ്ധ്യക്ഷത വഹിച്ചു, ഒ. മൊയ്തുണ്ണി, ഉമ്മർ കുളങ്ങര , ഉസ്മാൻ പന്താവൂർ ,സൈതലവി ഹാജി,കെ വി ഇബ്രാഹിംകുട്ടി, എ. എ. നാസർ, രവീന്ദ്രൻ എരിഞ്ഞിക്കാട്ട്, സുനിൽ ചിന്നൻ , ജബ്ബാർ ആലംങ്കോട്, ഗീത മോഹൻ തുടങ്ങിയവർ പ്രസംഗിച്ചു.