പൊന്നാനിയില്‍ കനത്ത പോളിങ് ‘സ്ഥാനാര്‍ത്ഥികളും പ്രമുഖരും നേരത്തെ വോട്ട് ചെയ്തു

പൊന്നാനി:തിരഞ്ഞെടുപ്പ് അവസാനിച്ചതോടെ പൊന്നാനിയില്‍ കനത്ത പോളിങ്.സ്ഥാനാര്‍ത്ഥികളും പ്രമുഖരും നേരത്തെ വോട്ട് ചെയ്തു.പൊന്നാനി മണ്ഡലത്തിലെ യുഡിഎഫ് സ്ഥാനാർത്ഥി കെ പി നൗഷാദ് അലിക്ക് അരീക്കോട് ഗവൺമെൻറ് ഐടിഐ യില്‍ ആയിരുന്നു വോട്ട്.കാലത്ത് 7മണിക്ക് തന്നെ വോട്ട് രേഖപ്പെടുത്താനെത്തിയ നൗഷാദലി വോട്ടെടുപ്പ് തീര്‍ന്ന് പൊന്നാനിയിലെത്തി മണ്ഡലത്തില്‍ സജീവമായി.ഇത്തവണ പൊന്നാനിയില്‍ മികച്ച വിജയം നേടുമെന്ന് ആത്മവിശ്വാസം പ്രകടിപ്പിച്ചു.എൽ ഡി എഫ് സ്ഥാനാർത്ഥി അഡ്വ. എം കെ സക്കീർ രാവിലെ 8.30 ന് പെരുമ്പടപ്പ് ഇല്ലത്തു താഴം മദ്രസ്സയിൽ വോട്ട് ചെയ്യാനെത്തി.തുടര്‍ന്ന് മണ്ഡലത്തില്‍ സജീവമായി.വികസന തുടര്‍ച്ച ഉണ്ടാവുമെന്നും മികച്ച വിജയം നേടുമെന്നും സക്കീര്‍ പറഞ്ഞു.