ജനമനസ്സുകൾ തേടി എ.കെ. സക്കീർ;ആലംകോട്, നന്നംമുക്ക് പഞ്ചായത്തുകളിൽ ആവേശോജ്ജ്വല പര്യടനം

​പൊന്നാനി:എൽഡിഎഫ് പൊന്നാനി നിയോജക മണ്ഡലം സ്ഥാനാർത്ഥി അഡ്വ. എ.കെ. സക്കീറിന്റെ തിരഞ്ഞെടുപ്പ് പര്യടനത്തിന്റെ രണ്ടാം ഘട്ടം ആലംകോട്,നന്നംമുക്ക് പഞ്ചായത്തുകളിൽ പൂർത്തിയായി.വ്യാഴാഴ്ച രാവിലെയും വൈകുന്നേരവുമായി നടന്ന പര്യടനത്തിൽ ഉടനീളം ആവേശകരമായ സ്വീകരണമാണ് സ്ഥാനാർത്ഥിക്ക് ലഭിച്ചത്.​രാവിലെ ആലംകോട് പഞ്ചായത്തിലായിരുന്നു പര്യടനത്തിന്റെ തുടക്കം. ചിയ്യാനൂർ ലക്ഷം വീട് കോളനിയിൽ നിന്നാരംഭിച്ച പര്യടനം അച്ചായത്ത് കുന്ന്,പെരുമുക്ക് സെന്റർ, പന്താവൂർ മനക്കടവ്,തച്ചുപറമ്പ്,കക്കിടിപ്പുറം തുടങ്ങി വിവിധ കേന്ദ്രങ്ങളിലൂടെ കടന്നുപോയി.ഉദിനുപറമ്പ്,മന്തുംപുറം,പാവിട്ടപ്പുറം സെന്റർ,ഓതല്ലൂർ കിഴക്ക്,ഏറവറാംകുന്ന് എന്നിവിടങ്ങളിലെ സ്വീകരണങ്ങൾക്ക് ശേഷം പള്ളിക്കുന്ന് പരിസരത്താണ് രാവിലെത്തെ പര്യടനം അവസാനിച്ചത്.ഉച്ചയ്ക്ക് ശേഷം നന്നംമുക്ക് പഞ്ചായത്തിലായിരുന്നു സ്ഥാനാർത്ഥിയുടെ പര്യടനം. വാക്കാട്ട് പറമ്പ്,ലക്ഷംവീട്,ആയിനിച്ചോട്,മുത്തുകാട്,സ്രായിക്കാട് തുടങ്ങിയ പ്രദേശങ്ങളിലെ വോട്ടർമാരെ നേരിൽ കണ്ട സ്ഥാനാർത്ഥി തുടർന്ന് കല്ലൂർമ്മ മനപ്പടി,പെരുമ്പാൾ,കാഞ്ഞൂർ പട്ടേരി,കുന്ന്, നരണിപ്പുഴ റേഷൻ കട,ചേലക്കടവ്,ചെങ്കോട്ട എന്നിവിടങ്ങളിലും സന്ദർശനം നടത്തി.വടക്കുമുറിയിൽ നടന്ന സമാപന യോഗത്തോടെ ഒരു ദിവസം നീണ്ടുനിന്ന പര്യടനത്തിന് ആവേശകരമായ പരിസമാപ്തിയായി.ഓരോ സ്വീകരണ കേന്ദ്രങ്ങളിലും വൻ ജനപങ്കാളിത്തമാണ് ദൃശ്യമായത്.ഇടതുപക്ഷ ജനാധിപത്യ മുന്നണിയുടെ വികസന നേട്ടങ്ങളും ഭാവി പ്രവർത്തനങ്ങളും വിശദീകരിച്ച സ്ഥാനാർത്ഥി,മണ്ഡലത്തിന്റെ സമഗ്ര പുരോഗതിക്കായി തനിക്ക് വോട്ട് നൽകി വിജയിപ്പിക്കണമെന്ന് അഭ്യർത്ഥിച്ചു.എൽ.ഡി.എഫ് പ്രാദേശിക നേതാക്കളും പ്രവർത്തകരും വിവിധ കേന്ദ്രങ്ങളിൽ സ്ഥാനാർത്ഥിക്കൊപ്പമുണ്ടായിരുന്നു.