കർഷക സംഘം നന്നംമുക്ക് പോസ്റ്റാഫീസിലേക്ക് മാർച്ചും ധർണയും സംഘടിപ്പിച്ചു

ചങ്ങരംകുളം:സംഭരിക്കുന്ന നെല്ലിന് പിണറായി സർക്കാർ നൽകിവരുന്ന അധിക ബോണസ് നൽകരുതെന്ന കേന്ദ്ര സർക്കാർ ഉത്തരവ് പിൻവലിക്കണമെന്ന് ആവശ്യപ്പെട്ട് കർഷക സംഘം മലപ്പുറം ജില്ലാ കമ്മിറ്റിയുടെ ആഭിമുഖ്യത്തിൽ ചങ്ങരംകുളത്ത് നന്നംമുക്ക് പോസ്റ്റാഫീസിനു മുന്നിൽ മാർച്ചും ധർണയും സംഘടിപ്പിച്ചു.കർഷക സംഘം മലപ്പുറം ജില്ലാ പ്രസിഡൻ്റ് പി.ജ്യോതിഭാസ് ഉദ്ഘാടനം ചെയ്തു.എടപ്പാൾ ഏരിയ പ്രസിഡൻ്റ് സി രാമകൃഷ്ണൻ അധ്യക്ഷനായി.ടി.സത്യൻ,പി.വിജയൻ.വി വി കുഞ്ഞുമുഹമ്മദ്,എം അജയ്ഘോഷ്, മധു നരിപ്പറമ്പ്, ടി രാമദാസ്, കോഴിക്കൽ മുഹമ്മദ്, ടി കോമളം, മിസിരിയ സൈഫുദ്ധീൻ,എന്നിവർ സംസാരിച്ചു.കർഷക സംഘം എടപ്പാൾ ഏരിയ സെക്രട്ടറി ഇ രാജഗോപാൽ സ്വാഗതവും വി വി കരുണാകരൻ നന്ദിയും പറഞ്ഞു.നെൽകൃഷിയുടെ പ്രത്യേകത പ്രകൃതിയെ സംരക്ഷിക്കുന്നത് നെൽകൃഷിയാണെന്നും പഴയകാലത്ത് ഒമ്പതുലക്ഷം ഹെക്ടർ നെൽകൃഷി ഉണ്ടായിരുന്നിടത്ത് ഇപ്പോൾ അത് രണ്ട് ലക്ഷത്തിൽ കൂടുതലായി ചുരുങ്ങി എന്നും ധർണ്ണ ഉദ്ഘാടനം ചെയ്തുകൊണ്ട് പി ജ്യോതിബാസ് പറഞ്ഞു.