ബൈക്കില്‍ പോയിരുന്ന യുവാവിനെയും കുഞ്ഞിനെയും കാറിടിച്ച് പരിക്കേല്‍പിച്ചു’ഐലക്കാട് സ്വദേശിക്കെതിരെ കൊലപാതകശ്രമത്തിന് കേസെടുത്ത് ചങ്ങരംകുളം പോലീസ്

എടപ്പാള്‍:ബൈക്കില്‍ പോയിരുന്ന യുവാവിനെയും കുഞ്ഞിനെയും കാറിടിച്ച് പരിക്കേല്‍പിച്ച സംഭവത്തില്‍ ഐലക്കാട് സ്വദേശിക്കെതിരെ കൊലപാതകശ്രമത്തിന് കേസെടുത്ത് ചങ്ങരംകുളം പോലീസ്.ഐലക്കാട് സ്വദേശിയായ കൊളങ്ങരയില്‍ ബനീഷിനെതിരെയാണ് കൊലപാതക ശ്രമം ഉള്‍പെടെയുള്ള വകുപ്പുകള്‍ ചുമത്തി കേസെടുത്തത്.കഴിഞ്ഞ ദിവസം അത്താണി നടുവട്ടം റോഡില്‍ സുഫാരിപ്പടിയിലാണ് കേസിന് ആസ്പദമായ സംഭവം.ഐലക്കാട് സ്വദേശിയായ മുഹമ്മദ് ഷെരീഫിനെയും കൂടെ സഞ്ചരിച്ച രണ്ടര വയസുള്ള മകള്‍ ആമിന യെയും ബൈക്കില്‍ കാറിടിപ്പിച്ച് പരിക്കേല്‍പിക്കുകയായിരുന്നു.പരിക്കേറ്റ ഷെരീഫിനെയും ആമിനയെയും എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു.ഷെരീഫും ബനീഷും തമ്മില്‍ നിലനിന്നിരുന്ന സാമ്പത്തിക തര്‍ക്കമാണ് സംഭവത്തിന് കാരണമെന്നാണ് പോലീസ് നല്‍കുന്ന വിവരം.സംഭവത്തില്‍ പ്രതിക്കായി പോലീസ് അന്വേഷണം ആരംഭിച്ചിട്ടുണ്ട്