തലയിൽ മുറിവ്; കൊച്ചി കായലിൽ കണ്ടെത്തിയത് പെൺകുഞ്ഞിന്റെ മൃതദേഹം

കൊച്ചി ∙ മറൈൻഡ്രൈവിനടുത്ത് കൊച്ചി കായലിൽ കണ്ടെത്തിയത് പെൺകുഞ്ഞിന്റെ മൃതദേഹം. പൂർണവളർച്ചയെത്താതെ ജനിച്ച കുഞ്ഞാണ് ഇതെന്നാണ് പൊലീസ് പറയുന്നത്. പൊക്കിള്‍ക്കൊടി മുറിച്ചിരുന്നില്ല. കുഞ്ഞിന്റെ തലയിൽ മുറിവുണ്ട്. മൃതദേഹം കളമശേരി മെഡിക്കൽ കോളജിലേക്ക് മാറ്റി
ഇന്നലെ വൈകിട്ട് നാലു മണിയോടെയാണ് കൊച്ചി കായലില്‍ നവജാത ശിശുവിന്റെ മൃതദേഹം കണ്ടെത്തിയത്. വേലിയേറ്റ സമയത്ത് ഒഴുകി വന്നതാണെന്നാണ് കരുതുന്നത്. എറണാകുളം സെൻട്രൽ പൊലീസാണ് കേസ് അന്വേഷിക്കുന്നത്.