പൊന്നാനി ഗവൺമെന്റ് അമ്മയും കുഞ്ഞും ആശുപത്രിയിലെ ശിശുക്കൾക്ക് വർഷം മുഴുവൻ പോഷകാഹാരം നൽകുന്ന പദ്ധതി ആരംഭിച്ചു.

എടപ്പാൾ : റോട്ടറി ക്ലബ് പൊന്നാനിയുടെ ആഭിമുഖ്യത്തിൽ പൊന്നാനി ഗവൺമെന്റ് അമ്മയും കുഞ്ഞും ആശുപത്രിയിലെ ശിശുക്കൾക്ക് വർഷം മുഴുവൻ പോഷകാഹാരം നൽകുന്ന പദ്ധതി ആരംഭിച്ചു. ആശുപത്രിയിലെ ശിശു വാർഡിലെ കുഞ്ഞുങ്ങൾക്ക് പ്രായത്തിനനുസരിച്ച് വ്യത്യസ്തമായ പോഷകാഹാരം വിതരണം ചെയ്യുന്ന “ദാൻ” പദ്ധതിയുടെ ഉദ്ഘാടനം റോട്ടറി ഗവർണർ ബിജോഷ് മാനുവലും പ്രമുഖ ന്യൂറോളജിസ്റ്റ് ഡോ. രോഹിത് ശരിധരനും ചേർന്ന് നിർവഹിച്ചു.
റോട്ടറി ക്ലബ് പ്രസിഡന്റ് അഷറഫ് ചെങ്ങനാത്ത് അധ്യക്ഷത വഹിച്ചു. സെക്രട്ടറി പ്രകാശ് പുളിക്കപ്പറമ്പിൽ, സന്തേഷ് കെ.വി., സുരേഷ്, സോൺ ഓഫീസർ ദിലീപ് കുമാർ, ഡെപ്യൂട്ടി സുപ്രണ്ട് ഡോ. ശ്രീജ എന്നിവർ സംസാരിച്ചു. പരിപാടിയുടെ പ്രോഗ്രാം ഡയറക്ടർമാരായ ഡോ. പ്രശാന്ത് സ്വാഗതവും ഡോ. നന്ദുബേബി നന്ദിയും രേഖപ്പെടുത്തി.