കോക്കൂരിൽ പ്രവർത്തിച്ചു വരുന്ന അൽഫിത്റ പ്രീ സ്കൂൾ പന്ത്രണ്ടാം വാർഷികാഘോഷം സംഘടിപ്പിച്ചു

ചങ്ങരംകുളം:ഹിലാൽ ചാരിറ്റബിൾ ട്രസ്റ്റിന് കീഴിൽ കോക്കൂരിൽ പ്രവർത്തിച്ചു വരുന്ന അൽഫിത്റ പ്രീ സ്കൂൾ പന്ത്രണ്ടാം വാർഷികാഘോഷം വിപുലമായ പരിപാടികളോടെ സംഘടിപ്പിക്കപ്പെട്ടു.എഴുത്തുകാരൻ അബ്ദുല്ലത്തീഫ് മാറഞ്ചേരി വാർഷിക പരിപാടികൾ ഉദ്ഘാടനം ചെയ്തു.ട്രസ്റ്റ് ചെയർമാൻ പ്രൊഫസർ എം കെ ഇബ്രാഹിം കുട്ടി അധ്യക്ഷം വഹിച്ചു.കെ വി ഹസ്സൻ മാസ്റ്റർ,പഞ്ചായത്ത് മെമ്പർ ആണ്ടനാത് ശരീഫ്,പിപിഎം അഷ്റഫ് ,പ്രിൻസിപ്പൽ ഫസീല മുജീബ് ,പി ഐ.മുജീബ് എന്നിവർ പ്രസംഗിച്ചു.റിയാസ് സുല്ലമി ഖുർആൻ പ്രഭാഷണം നടത്തി. തുടർന്ന് സ്കൂൾ വിദ്യാർത്ഥികളുടെ വിവിധ പരിപാടികൾ അരങ്ങേറി.വൈകുന്നേരം നടന്ന ഫത്ഹുൽ ഖുർആൻ സമാപന പരിപാടിയിൽ ആലങ്കോട് ഗ്രാമപഞ്ചായത്ത് പ്രസിഡണ്ട് ആസിയ ഇബ്രാഹിം ഈ വർഷം പഠനം പൂർത്തിയാക്കി പുറത്തുപോകുന്ന വിദ്യാർത്ഥികൾക്കുള്ള സർട്ടിഫിക്കറ്റ് വിതരണം ചെയ്തു.പി.എ.റാഫിദ അധ്യക്ഷത വഹിച്ചു.കെ വി ഹംസ, എൻ എം അബ്ബാസ്, ആയിഷ ഹസ്സൻ, സി പി മുനീറ തുടങ്ങിയവർ പ്രസംഗിച്ചു.