എൽഡിഎഫ് വടക്കൻ മേഖല വികസന മുന്നേറ്റ ജാഥ വൻ വിജയമാക്കാനൊരുങ്ങി പൊന്നാനി

പൊന്നാനി : സിപിഐ എം സംസ്ഥാന സെക്രട്ടറി എം വി ഗോവിന്ദൻ നയിക്കുന്ന എൽഡിഎഫ് വടക്കൻ മേഖല വികസന മുന്നേറ്റ ജാഥ വൻ വിജയമാക്കാനൊരുങ്ങി പൊന്നാനി. 13ന് വെകീട്ട് 5ന് കുണ്ടുകടവ് ജംഗ്ഷനിൽ നൽകുന്ന സ്വീകരണം. വിജയിപ്പിക്കുന്നതിനാവശ്യമായ ഒരുക്കങ്ങൾ പൂർത്തിയായതായി സംഘാടകർ വാർത്താ സമ്മേളനത്തിൽ അറിയിച്ചു. ചമ്രവട്ടം ജംഗ്ഷനിൽ നിന്ന് പ്രകടനത്തോടെ ജാഥ ക്യാപ്റ്റനെ സ്വീകരിച്ച് കുണ്ടുകടവ് ജംഗ്ഷനിലെ സ്വീകരണ കേന്ദ്രത്തിലേക്ക് ആനയിക്കും. 15000 പേർ പങ്കെടുത്ത് മികച്ച സ്വീകരണം പൊന്നാനിയിൽ നൽകും.അജിത്കൊളാടി ചെയർമാനും ടി എം സിദ്ധീഖ് കൺവീനറും അഡ്വ.പി കെ ഖലീമുദ്ധീൻ ട്രഷറുമായ കമ്മിറ്റിയാണ് പ്രവർത്തിക്കുന്നത്.സ്വീകരണ സമ്മേളനത്തിൻ്റെ ഭാഗമായി ഷാജികുഞ്ഞൻ്റെ നേതൃത്വത്തിലുള്ള സംഗീത പരിപാടി നടക്കും. 14 ന് രാവിലെ 8ന് ചമ്രവട്ടം ജംഗ്ഷനിലെ ആർ വി പാലസിൽ പൊന്നാനി മണ്ഡലത്തിലെ പ്രമുഖരുമായി ജാഥാ ക്യാപ്റ്റൻ സംവദിക്കും.വാർത്താ സമ്മേളനത്തിൽ എൽഡിഎഫ് നേതാക്കളായ ടി എം സിദ്ധീഖ്,അജിത്കൊളാടി, സി പി മുഹമ്മദ് കുഞ്ഞി, അഡ്വ. ഇ സിന്ധു, ഇ അബ്ദുൽ നാസർ, ഒ ഒ ഷംസു എന്നിവർ സംബന്ധിച്ചു.