കെവിവിഎസ് മാറഞ്ചേരി യൂണിറ്റിന്റെ നേതൃത്വത്തിൽ ടി.നസിറുദ്ദീൻ അനുസ്മരണം സംഘടിപ്പിച്ചു

മാറഞ്ചേരി:കേരളത്തിലെ വ്യാപാരി സമൂഹത്തിന്റെ അനിഷേധ്യ നേതാവും വ്യാപാരി വ്യവസായി ഏകോപന സമിതി മുൻ സംസ്ഥാന പ്രസിഡന്റുമായിരുന്ന ടി. നസിറുദ്ദീന്റെ അനുസ്മരണ ചടങ്ങ് മാറഞ്ചേരി യൂണിറ്റിന്റെ നേതൃത്വത്തിൽ മാറഞ്ചേരി വ്യാപര ഭവനിൽ വെച്ച് നടന്നു.വ്യാപാരി വ്യവസായി ഏകോപന സമിതി മലപ്പുറം വനിതാ വിംഗ് ജില്ല വൈസ് പ്രസിഡന്റ് ആരിഫ ഉദ്ഘാടനം നിർവ്വഹിച്ചു. യൂണിറ്റ് പ്രസിഡൻറ് വി.കെ നജ്മുദ്ധീൻ അധ്യക്ഷത വഹിച്ചു.കേരളത്തിലെ വ്യാപാരികളെ ഒരു ചരടിൽ കോർത്ത മുത്തുപോലെ ഐക്യപ്പെടുത്തിയ ടി. നസിറുദ്ദീന്റെ പോരാട്ടവീര്യം വരും തലമുറയ്ക്കും ആവേശം പകരുന്നതാണ്. മൂന്ന് പതിറ്റാണ്ടിലേറെക്കാലം സംഘടനയെ നയിച്ച അദ്ദേഹത്തിന്റെ നിശ്ചയദാർഢ്യം വ്യാപാര മേഖലയ്ക്ക് നൽകിയ കരുത്തും ചടങ്ങിൽ അനുസ്മരിച്ചു.യൂണിറ്റ് സെക്രട്ടറി സത്താർ അമ്പാരത്ത് ട്രഷറർ നെൽജോ നീലങ്കാവിൽ, രമേഷ് അമ്പാരത്ത്, ബാബു.വി, വിജയൻ കണ്ണത്ത്, ഉമ്മർ കെ.ടി, ശരീഫ് സലാല, ബാസിത്ത്, വിനിത, നിഷാദ് സിൻസിയർ, ഫൈസൽ വി.കെ എ, റീന ആൻ്റണി എന്നിവർ അനുസ്മരണ പ്രഭാഷണം നിർവ്വഹിച്ചു