തണൽ വെൽഫയർ സൊസൈറ്റിയുടെ 17-ാം വാർഷികം’നേതൃ സംഗമം നടത്തി

മാറഞ്ചേരി:പലിശക്കെതിരെ ജനകീയ ബദൽ തീർത്ത കേരളത്തിലെ പ്രഥമപലിശ രഹിത അയൽകൂട്ട സംവിധാനമായ തണൽ വെൽഫയർ സൊസൈറ്റിയുടെ 17-ാം വാർഷികത്തിൻ്റെ മുന്നോടിയായുള്ള നേതൃസംഗമം തണൽ ഓഡിറ്റോറിയത്തിൽ നടന്നു. ജില്ലാ പഞ്ചായത്ത് മെമ്പർ സുലൈഖ റസാഖ് സംഗമം ഉദ്ഘാടനം ചെയ്തു. തണൽ പ്രസിഡൻ്റ് ടി.പി. അബ്ദുന്നാസർ അധ്യക്ഷത വഹിച്ചു. പെരുമ്പിലാവ് അൻസാർ ട്രൈനിംഗ് കോളേജ് പ്രിൻൻസിപ്പാൾ ഡോ. മഹ്‌മൂദ് ഷിഹാബ് മുഖ്യപ്രഭാഷണം നടത്തി. പീപ്പിൾസ് ഫൗണ്ടേഷൻ ഏരിയാ കോർഡിനേറ്റർ പി. ഇബ്രാഹിംകുട്ടി, എ. മുഹമ്മദ് മുബാറക്, എ.ടി. അലി, കരുണ വളണ്ടിയർ റഷീദ് മാറഞ്ചേരി എന്നിവർ പ്രസംഗിച്ചു. തണൽ ജനറൽ സെക്രട്ടറി എ. അബ്ദുൾ ലത്തീഫ് സ്വാഗതവും സ്വാഗത സംഘം ചെയർമാൻ എ. മൻസൂർ നന്ദിയും പറഞ്ഞു. തണൽ കുടുംബാംഗങ്ങൾ വിവിധ കലാപരിപാടികൾ അവതരിപ്പിച്ചു.