കൂറ്റനാട് ദേശോത്സവം 9,10,11 നടക്കും

കൂറ്റനാട്: കൂറ്റനാട് ദേശോത്സവം 9,10,11 തീയതികളിലായി ആഘോഷിക്കും.
28 ഉപകമ്മിറ്റികളുടെ വൈവിധ്യമാർന്ന പരിപാടികൾ കൂറ്റനാട് ദേശോത്സവത്തെ കൂടുതൽ മികവുറ്റതാക്കും.
ദേശോത്സവത്തിന്റെ ഭാഗമായി ആചാരപരമായ ചടങ്ങുകളും സാംസ്കാരികപരിപാടികളും വിവിധ മേഖലകളിൽ വ്യത്യസ്ത കലാപരിപാടികളും അരങ്ങേറും കേന്ദ്ര ആഘോഷക്കമ്മിറ്റിയും ഉപകമ്മിറ്റികളും ദേശോത്സവം അതിഗംഭീരമായി ആഘോഷിക്കാനുള്ള ഒരുക്കത്തിലാണെന്ന് ദേശോത്സവം കേന്ദ്ര ആഘോഷക്കമ്മിറ്റി ഭാരവാഹികൾ പറഞ്ഞു.
വിവിധ ഉപകമ്മിറ്റികളിൽ നിന്നായി 11-ന് അഞ്ചിന് നാൽപ്പതിൽപ്പരം ഗജരാജന്മാർ വാദ്യമേള ഘോഷയാത്രകളും
കലാപ്രകടനങ്ങളും ബാൻഡ് വാദ്യം,
ചെണ്ടമേളം, അറബനമുട്ട്, ദഫ്‌മുട്ട് തുടങ്ങിയ വിവിധ കലാപ്രകടനങ്ങളുമായി കൂറ്റനാട് ടൗണിനു സമീപം തൃത്താല പാതയിൽ
വാഴക്കാട് പാടശേഖരത്തിൽ അണി നിരക്കും.
9,10 തീയതികളിൽ വിവിധ ഉപകമ്മിറ്റികളുടെ നേതൃത്വത്തിൽ ബാൻഡ് വാദ്യങ്ങൾ, ബാൻഡ് ഷോ, മറ്റു കലാപ്രകട നങ്ങൾ എന്നിവയുണ്ടാകുമെന്ന് കേന്ദ്ര ദേശോത്സവക്കമ്മിറ്റി ഭാരവാഹികൾ അറിയിച്ചു.