ചങ്ങരംകുളം നരണിപ്പുഴ റോഡില്‍ നിയന്ത്രണം വിട്ട കാര്‍ വൈദ്യുതി കാലിലിടിച്ചു മറിഞ്ഞു’വൈദ്യുതി കാല്‍ മുറിഞ്ഞ് റോഡിലേക്ക് വീണു’ഒഴിവായത് വന്‍ ദുരന്തം

ചങ്ങരംകുളം:നിയന്ത്രണം വിട്ട കാര്‍ വൈദ്യുതി കാലിലിടിച്ചു മറിഞ്ഞു.അപകടത്തില്‍ വൈദ്യുതി കാല്‍ മുറിഞ്ഞ് റോഡിലേക്ക് വീണ് വന്‍ ദുരന്തം ഒഴിവായി.ചങ്ങരംകുളം നരണിപ്പുഴ റോഡില്‍ വെള്ളിയാഴ്ച രാത്രി എട്ട് മണിയോടെയാണ് സംഭവം.ചങ്ങരംകുളം ഭാഗത്തേക്ക് വന്നിരുന്ന കാര്‍ നിയന്ത്രണം വിട്ട് വൈദ്യുതി കാലിലിടിച്ച് മറിഞ്ഞാണ് അപകടം.അപകടത്തില്‍ പെട്ട കാര്‍ മറിഞ്ഞതോടെ കാറിന് അകത്ത് കുടുങ്ങിയ ഡ്രൈവറെ നാട്ടുകാര്‍ ചേര്‍ന്നാണ് പുറത്തെടുത്തത്.തിരക്കേറിയ റോഡിലേക്ക് വൈദ്യുതി തൂണ്‍ പൊട്ടി വീണെങ്കിലും വൈദ്യുതി നിലച്ചത് കൊണ്ടും അപകട സമയത്ത് വാഹനങ്ങള്‍ എത്താതിരുന്നത് കൊണ്ടും വലിയ അപകടമാണ് ഒഴിവായത്.അപകടത്തെ തുടര്‍ന്ന് ഏറെ നേരം റോഡില്‍ ഗതാഗതം മുടങ്ങി.ചങ്ങരംകുളം പോലീസും കെഎസ്ഇബി ജീവനക്കാരും സ്ഥലത്ത് എത്തി മേല്‍നടപടികള്‍ സ്വീകരിച്ചു