സംസ്ഥാന പാതയോരത്ത് കോലിക്കരയിൽ തീപിടുത്തം

ചങ്ങരംകുളം : സംസ്ഥാന പാതയോരത്തെ കോലിക്കരയിൽ തീപിടുത്തം . വ്യാഴാഴ്ച ഉച്ചയ്ക്ക് 12.30 ഓടെയാണ് തീപിടുത്തം ഉണ്ടായത് . പാതയോരത്ത് വ്യാപകമായി വളർന്ന പുൽക്കാടുകളിലാണ് തീ പടർന്നത്. ശക്തമായ ചൂടും വരണ്ട കാലാവസ്ഥയും കാരണം തീ അതിവേഗം വ്യാപിക്കുകയായിരുന്നു. നാട്ടുകാർ വിവരം അറിയിച്ചതിനെ തുടർന്ന് ചങ്ങരംകുളം പൊലീസും കുന്നംകുളം ഫയർഫോഴ്സും സ്ഥലത്തെത്തി തീ അണച്ചു . കൂടുതൽ പ്രദേശങ്ങളിലേക്ക് തീ പടരാതിരിക്കാൻ മുൻകരുതൽ നടപടികൾ സ്വീകരിച്ചിട്ടുണ്ടെന്ന് അധികൃതർ അറിയിച്ചു.തീപിടുത്തത്തിന്റെ കാരണം വ്യക്തമായിട്ടില്ല. സംഭവത്തിൽ ആളപായമോ വൻ നാശനഷ്ടങ്ങളോ ഒന്നും തന്നെ സംഭവിച്ചിട്ടില്ല