ജമാഅത്തെ ഇസ്ലാമിക്ക് മേല്‍ മതരാഷ്ട്ര വാദം ഉന്നയിക്കുന്നത് തമാശക്ക് വക നൽകുന്ന കാര്യം’ശിഹാബ് പൂക്കോട്ടൂർ

ചങ്ങരംകുളം:”നിങ്ങൾക്ക് നിങ്ങളുടെ മതം എനിക്ക് എൻ്റെ മതം” എന്ന ഖുർആനിക വാക്യത്തിൻ്റെ അടിസ്ഥാനത്തിൽ വ്യക്തികളുടെ മതപരമായ സ്വാതന്ത്ര്യത്തിന് ഊന്നൽ നൽകുന്ന പ്രസ്ഥാനമാണ് ജമാഅത്തെ ഇസ്‌ലാമി. അതിന് മേൽ മതരാഷ്ട്ര വാദം എന്ന ആരോപണം ഉന്നയിക്കുന്നത് തമാശക്ക് വക നൽകുന്ന കാര്യം മാത്രമാണന്ന് ജമാഅത്തെ ഇസ്‌ലാമി സംസ്ഥാന സെക്രട്ടറി ശിഹാബ് പൂക്കോട്ടൂർ പറഞ്ഞു.പന്താവൂർ സിബിഎച്ച് ഓഡിറ്റോറിയത്തിൽ സംഘടിപ്പിച്ച ജമാഅത്തെ ഇസ്‌ലാമിയുടെ കാലിക പ്രസക്തി എന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഏരിയാ പ്രസിഡൻ്റ് വി. അബ്ദുൽ ഖാദർ, സി. എം. റഫീഖ്, എം.വി. മുഹമ്മദ് അഷ്റഫ്, എൻ. മുസ്തഫ, മുഹ്സിൻ സിറാജ്, ടി.വി. മുഹമ്മദ് അബ്ദുറഹിമാൻ എന്നിവർ സംബന്ധച്ചു.
വിവിധ പഠന, ഗവേഷണ, തൊഴിൽ മേഖലകളിൽ പ്രാവീണ്യം നേടിയ അഡ്വ. നബീൽ മഹ്‌മൂദ് എം.വി., മുഷറഫ്, ഫാമിൽ കെ.എ എന്നിവരെ ചടങ്ങിൽ വെച്ച് ശിഹാബ് പൂക്കോട്ടൂർ ആദരിച്ചു.