ചങ്ങരംകുളം:ചങ്ങരകുളത്ത് പുതുതായി രൂപീകരിച്ച ലയൺസ് ഇന്റർനാഷണൽ ക്ലബിന്റെ പ്രവർത്തനങ്ങൾക്ക് ഫെബ്രുവരി രണ്ടിന് തുടക്കമാവുമെന്ന് ഭാരവാഹികളും വാര്ത്താസമ്മേളനത്തില് അറിയിച്ചു.
തിങ്കളാഴ്ച വൈകിയിട്ട് അഞ്ച് മണിക്ക് ചങ്ങരകുളം ഗാലക്സി ഓഡിറ്റോറിയത്തിൽ നടക്കുന്ന ഉദ്ഘാടന ചടങ്ങില് പ്രശസ്ത സാഹിത്യകാരനും കവിയുമായ ആലങ്കോട് ലീലാകൃഷ്ണൻ പങ്കെടുക്കും.ഉദ്ഘാടന ചടങ്ങിനോടനുബന്ധിച്ച്, ചങ്ങരകുളം മേഖലയിൽ നിന്നുള്ള ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത് എന്നിവിടങ്ങളിലേക്ക് പുതുതായി തെരെഞ്ഞെടുത്ത ജനപ്രതിനിധികളെ പൊന്നാട അണിയിച്ച് ആദരിക്കും..
തുടര്ന്ന് ചങ്ങരകുളം മേഖലയിൽ പ്രവർത്തിക്കുന്ന കാരുണ്യ പാലിയേറ്റീവ് കെയറിന് ബൈപാപ്പും ഓക്സിജൻ കോൺസെൻട്രേറ്ററുകളും സംഭാവനയായി കൈമാറും.കൂടാതെ ചങ്ങരകുളം പോലീസ് സ്റ്റേഷനിൽ ലൈയൻസ് ക്ലബ്ബ് സ്പോൺസർ ചെയ്ത വാട്ടർ പ്യൂരിഫയർ സ്ഥാപിക്കുന്നതിന്റെ ഉദ്ഘാടനവും ഇതേ വേദിയിൽ നടക്കുമെന്ന് ഭാരവാഹികള് പറഞ്ഞു
ചങ്ങരകുളം മേഖലയിലെ അവശ വിഭാഗങ്ങൾക്ക് സഹായം നൽകുക,രോഗികളുടെ സംരക്ഷണത്തിനായി ആശ്വാസ സേവനങ്ങൾ നടത്തുക,സാമ്പത്തികമായി പിന്നാക്കം നിൽക്കുന്ന വിദ്യാർത്ഥികൾക്ക് വിദ്യാഭ്യാസ സഹായം നൽകുക, പ്രകൃതി സംരക്ഷണ പ്രവർത്തനങ്ങൾ നടത്തുക, വൃദ്ധ സദനങ്ങളിലെ രോഗികൾക്ക് സഹായം നൽകുക,പട്ടിണി നിർമ്മാർജ്ജന പ്രവർത്തനങ്ങൾ തുടങ്ങി ജീവകാരുണ്യ സാമൂഹ്യ സേവന രംഗത്ത് പ്രവർത്തനങ്ങൾ വിപുലീകരിക്കുകയാണ് ചങ്ങരകുളം ലയൺസ് ക്ലബ് ലക്ഷ്യം വെക്കുന്നതെന്നും ഇതിനോടകം 70 സജീവ മെമ്പര്മാര് ക്ളബ്ബില് അംഗത്വം എടുത്തെന്നും ഭാരവാഹികള് അറിയിച്ചു.ഭാരവാഹികളായ ജെനു പട്ടേരി,ആനന്ദ് ചെമ്പ്ര,ഉമ്മര് കുളങ്ങര,ദിലീപ് ചങ്ങരംകുളം,റഫീക്ക് ചങ്ങരംകുളം,ധര്മ്മന് കൂനത്ത്, സ്റ്റൈലൊ ബഷീര് ,പി ഗിരീഷ്കുമാര് തുടങ്ങിയവര് വാര്ത്താസമ്മേളനത്തില് പങ്കെടുത്തു
