അഴകേറും ഗ്രാമം : പരിസര ശുചീകരണ പദ്ധതി രണ്ടാംഘട്ടത്തിന് തുടക്കമായി

മാറഞ്ചേരി : അഴകേറും ഗ്രാമമെന്ന പേരിൽ മാറഞ്ചേരി പഞ്ചായത്തിൽ നടപ്പാക്കുന്ന പരിസര ശുചീകരണ യജ്ഞത്തിൻ്റെ രണ്ടാം ഘട്ടത്തിന് തുടക്കമായി. കുണ്ടുകടവ് അങ്ങാടിയിലാണ് രണ്ടാംഘട്ട ശുചീകരണ പ്രവർത്തനങ്ങൾക്ക് തുടക്കം കുറിച്ചത്. അങ്ങാടികളുടെ സൗന്ദര്യ വത്കരണം എന്നതാണ് പദ്ധതിയുടെ ലക്ഷ്യം. രണ്ടാംഘട്ടത്തിന്റെ ഉദ്ഘാടനം പഞ്ചായത്ത്‌ പ്രസിഡന്റ്‌ ടി. ശ്രീജിത്ത്‌ നിർവഹിച്ചു. വൈസ് പ്രസിഡന്റ്‌ കദീജ മൂത്തേടത്, വികസന സ്റ്റാൻഡിങ് കമ്മിറ്റി ചെയർമാൻ നൗഷാദ്, ഗ്രാമപഞ്ചായത്ത് മെംബർമാരായ പി. നൂറുദ്ധീൻ, നാസർ മാഷ്,ജിതിൻ, ജസീറ, ആസിയ , സുമ ടീച്ചർ,
എഞ്ചിനീയർ ശ്രീജിത്ത്‌, ഹരിത കർമസേന സെക്രട്ടറി മീന തുടങ്ങിയവർ സംസാരിച്ചു. ഹരിത കർമസേന അംഗങ്ങൾ, തൊഴിലുറപ്പ് പദ്ധതി തൊഴിലാളികൾ, ജനപ്രതിനിധികൾ, പൊതുജനങ്ങൾ, വ്യാപാരികൾഎന്നിവരുടെ നേതൃത്വത്തിലാണ് ശുചീകരണ പ്രവർത്തനങ്ങൾ നടനടത്തുന്നത്.