പൊന്നാനി:വീട്ടിലെ ബാത്ത് റൂമില് കഞ്ചാവ് വളർത്തിയ യുവാവിനെ പൊന്നാനി പോലീസ് പിടികൂടി.പുതു പൊന്നാനി സ്വദേശി പൊന്നാക്കാരന്റെ വീട്ടിൽ ഹക്കീം (30)നെയാണ് പൊന്നാനി സിഐ അഷറഫിന്റെ നേതൃത്വത്തിലുള്ള പോലീസ് സംഘം പിടികൂടിയത്.
ലഹരി വില്പന നടത്തുന്നവരെ കുറിച്ച് നടത്തിയ അന്വേഷണത്തിൽ ലഭിച്ച രഹസ്യ വിവരത്തിന്റെ അടിസ്ഥാനത്തില് പോലീസ് നടത്തിയ പരിശോധനയിലാണ് ഇയാളുടെ വീട്ടിലെ ബാത്റൂമിൽ വളര്ത്തുന്ന നിലയിൽ 15 ഓളം വരുന്ന കഞ്ചാവ് ചെടികൾ കണ്ടെത്തിയത്.8 വർഷം മുമ്പ് വാഹനാപകടത്തിൽ വലത് കാൽപാദം നഷ്ടപ്പെട്ട ഹക്കീം പിന്നീട് ലഹരി വില്പനയിലേക്ക് തിരിയുകയായിരുന്നുവെന്ന് സിഐ പറഞ്ഞു.പ്രതി ലഹരി ഇടപാടുകൾ നടത്തുന്നതായ വിവരത്തിന്റെ അടിസ്ഥാനത്തിലാണ് പൊന്നാനി സിഐ അഷ്റഫ് എസിന്റെ നിർദ്ദേശ പ്രകാരം എസ്ഐ ആന്റോ ഫ്രാൻസിസ്,എഎസ്ഐ എലിസബത്,സീനിയർ സിവിൽ പോലീസ് ഓഫീസർ നാസർ,സിവിൽ പോലീസ് ഓഫീസർമാരായ കൃപേഷ്, ഹരി പ്രസാദ് എന്നിവർ അടങ്ങിയ അന്വേഷണ സംഘമാണ് കഞ്ചാവ് ചെടി കണ്ടെത്തിയത്.പിടിയിലായ പ്രതിയെ പൊന്നാനി കോടതിയിൽ ഹാജരാക്കും
