ചാലിശ്ശേരിയില്‍ നടക്കുന്ന കുടുംബശ്രീ ദേശീയ സരസ്മേള മുഖ്യമന്ത്രി ഉദ്ഘാടനം ചെയ്തു

ചാലിശ്ശേരി:ജനുവരി 2 മുതല്‍ 12 വരെ ചാലിശ്ശേരിയില്‍ നടക്കുന്ന കുടുംബശ്രീ ദേശീയ സരസ്മേളക്ക് പ്രൗഢമായ തുടക്കം.സംസ്ഥാന സര്‍ക്കാരിന്റെ നേതൃത്വത്തില്‍ ചാലിശ്ശേരി മുലംയംപമ്പ് ക്ഷേത്രമൈതാനിയില്‍ നടക്കുന്ന സരസ്മേള മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു.സ്പീക്കര്‍ എം ഷംസീര്‍,മന്ത്രി എംബി രാജേഷ്,കൃഷ്ണന്‍കുട്ടി തുടങ്ങി മന്ത്രിമാരും എംഎല്‍എമാരും എംപിമാരും അടക്കം രാഷ്ട്രീയ കലാ സാംസ്കാരിക രംഗത്തെ പ്രമുഖര്‍ ചടങ്ങില്‍ പങ്കെടുത്തു.10 ദിവസം നീണ്ട് നില്‍ക്കുന്ന മേളയില്‍എത്തുന്നവര്‍ക്ക് രാജ്യത്തെ 25ഓളം സംസ്ഥാനങ്ങളില്‍ നിന്നുള്ള ഉത്പന്നങ്ങളും സ്റ്റാളുകളും,മറ്റു വിഭവങ്ങളും വിരുന്നൊരുക്കും.കൂടാതെ രാജ്യത്തെ വിത്യസ്ഥമായ രുചിക്കൂട്ടുകള്‍ സമന്വയിക്കുന്ന സ്റ്റാളുകള്‍ അടങ്ങിയ ഫുഡ് കോര്‍ട്ടും,അമ്യൂസ് മെന്റ് പാര്‍ക്കും മറ്റു കലാപരിപാടികളും മേളയിലെത്തുന്നവരെ കാത്തിരിക്കുന്നുണ്ട്.നവ്യാനായര്‍,റിമിടോമി,സിത്താര തുടങ്ങി സിനിമാരംഗത്തെ മറ്റു കലാ രംഗത്തെയും പ്രമുഖരുടെ നേതൃത്വത്തിലും വിത്യസ്ഥമായ കലാപ്രകടനങ്ങളും ഓരോ ദിവസവും ചാലിശ്ശേരിയിലെത്തുന്നവര്‍ക്ക് ദൃശ്യവിരുന്നൊരുക്കും.നിരവധി ആളുകളാണ് ഉദ്ഘാടനം ദിവസം തന്നെ മേള കാണാനായി എത്തിയത്.