മാധ്യമ പ്രവര്‍ത്തകനായിരുന്ന ബഷീര്‍ അണ്ണക്കമ്പാട് അന്തരിച്ചു

ചങ്ങരംകുളം:മാധ്യമ പ്രവര്‍ത്തകനും കോണ്‍ഗ്രസ് പ്രവര്‍ത്തകനുമായിരുന്ന പരേതനായ ഹംസ അണ്ണക്കമ്പാടിന്റെ മകന്‍ കുന്നത്ത് ബഷീര്‍(51)അന്തരിച്ചു.കാലത്ത് 9 മണിയോടെ അണ്ണക്കമ്പാട് വീടിനകത്ത് മരിച്ച നിലയില്‍ കണ്ടെത്തുകയായിരുന്നു.മനോരമ,മംഗളം,തുടങ്ങിയ പത്രങ്ങളില്‍ പ്രാദേശിക ലേഖകനായി പ്രവര്‍ത്തിച്ചിരുന്നു.നിലവില്‍ മലയാളം ന്യൂസില്‍ റിപ്പോര്‍ട്ടര്‍ ആയി ജോലി ചെയ്ത് വന്നിരുന്നു.എടപ്പാള്‍ പ്രസ് റിപ്പോര്‍ട്ടേഴ്സ് ക്ളബ്ബിലും,കേരളപത്ര പ്രവര്‍ത്തക അസോസിയേഷനിലും അംഗമായ ബഷീര്‍ എടപ്പാള്‍ മേഖലയിലെ പൊതുരംഗത്തും സജീവമായിരുന്നു.മൃതദേഹം നടപടിക്രമങ്ങള്‍ പൂര്‍ത്തിയാക്കി എടപ്പാള്‍ ജുമാമസ്ജിദ് ഖബര്‍സ്ഥാനിയില്‍ ഖബറടക്കം നടത്തും