തദ്ദേശഭരണ തിരഞ്ഞെടുപ്പിൽ എൽഡിഎഫ് മുന്നേറ്റമുണ്ടാകും – പി പി സുനീർ എംപി

പൊന്നാനി: സംസ്ഥാന സർക്കാർ നടപ്പാക്കിയ വികസന പദ്ധതികളുടെ അംഗീകാരമായി തദ്ദേശഭരണ തിരഞ്ഞെടുപ്പിൽ എൽഡിഎഫ് വലിയ മുന്നേറ്റമുണ്ടാക്കുമെന്ന് സിപിഐ സംസ്ഥാന അസിസ്റ്റന്റ് സെക്രട്ടറി പി പി സുനീർ എംപി പറഞ്ഞു.എരമംഗലത്ത് നടന്ന ജില്ലാ പഞ്ചായത്ത് മാറഞ്ചേരി ഡിവിഷൻ എൽഡിഎഫ് കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. സുരേഷ് കാക്കനാത്ത് അധ്യക്ഷത വഹിച്ചു.സിപിഐ ജില്ലാ സെക്രട്ടറി പി.കെ. കൃഷ്ണദാസ്, സിപിഎം ജില്ലാ സെക്രട്ടറിയേറ്റ് അംഗം ടി.എം. സിദ്ധീക്ക്,എൽഡിഎഫ് മാറഞ്ചേരി ഡിവിഷൻ സ്ഥാനാർത്ഥി ഷാജിറ മനാഫ്, സിപിഐ ജില്ലാ എക്‌സിക്യൂട്ടീവ് അംഗം പി രാജൻ, മണ്ഡലം സെക്രട്ടറി കെ കെ ബാബു, ഷമീറ ഇളയേടത്ത്, അഡ്വ. ഇ സിന്ധു, പി പി ഹനീഫ, പ്രഭാകരൻ നടുവട്ടം, ടി കെ ഫസലുറഹ്മാൻ തുടങ്ങിയവർ സംസാരിച്ചു.