കളഞ്ഞ് കിട്ടിയ രണ്ട് പവന്റെ സ്വർണാഭരണം അടങ്ങിയ ബാഗ് ഉടമസ്ഥയെ കണ്ടെത്തി തിരിച്ചേൽപിച്ച് യുവാക്കൾ

ചങ്ങരംകുളം:റോരികില്‍ നിന്ന് കളഞ്ഞ് കിട്ടിയ രണ്ട് പവന്റെ സ്വർണാഭരണം അടങ്ങിയ ബാഗ് ഉടമസ്ഥയെ കണ്ടെത്തി തിരിച്ചേൽപിച്ച് യുവാക്കളുടെ മാതൃക.ഓട്ടോറിക്ഷയില്‍ പൊന്നാനിയിൽ നിന്ന് പുറത്തൂരിലേക്കുള്ള യാത്രക്കിടെയാണ് വെളിയങ്കോട് സ്വദേശിയായ യുവതിയുടെ രണ്ട് പവൻ തൂക്കം വരുന്ന സ്വർണ ചെയിൻ അടങ്ങിയ ബാഗ് നരിപറമ്പിൽ വെച്ച് നഷ്ടപ്പെട്ടത്.നരി പറമ്പിൽ താമസക്കാരായ റിഷാദ്,അൻസിഫ് റാഷിദ് എന്നിവർക്കാണ് നരിപ്പറമ്പ് ജംഗ്ഷനിൽ വച്ച് റോഡില്‍ നിന്ന് ബാഗ് ലഭിച്ചത്.തുടര്‍ന്ന് യുവാക്കള്‍ തന്നെ ബാഗില്‍ നിന്ന് ലഭിച്ച വിവരങ്ങളുടെ അടിസ്ഥാനത്തില്‍ ഉടമയെ കണ്ടെത്തുകയായിരുന്നു.പൊന്നാനി സ്റ്റേഷനിൽ വെച്ച് പൊന്നാനി പോലിസ് ഇൻസ്പെക്ടർ അഷറഫിന്റെ സാന്നിധ്യത്തിൽ മൂവരും ചേർന്ന് സ്വർണം അടങ്ങിയ ബാഗ് ഉടമക്ക് കൈമാറി.സമൂഹത്തിന് നല്ല മാതൃക കാണിച്ച സന്മനസ്സുകളായ യുവാക്കൾക്ക് പൊന്നാനി പോലിസ് പ്രത്യേകം അഭിനന്ദനം അറിയിച്ചു