പൊന്നാനി:അടയാളം പൊന്നാനിയുടെ നേതൃത്വത്തിൽ
കവി രുദ്രൻ വാരിയത്തിൻ്റെ ആറാമത്തെ കവിതാ സമാഹാരത്തിൻ്റെ കവർ പ്രകാശനം പ്രശസ്ത കവിയും ഗാനരചയിതാവുമായരാജീവ് ആലുങ്കലിൻ്റെ അവതാരികയോട് കൂടിയുള്ളത്’കലിയുഗക്കാഴ്ച്ചകൾ’പ്രശസ്ത കവി ആലംങ്കോട് ലീലാകൃഷ്ണനും സിനി ആർട്ടിസ്റ്റ് റഹമാൻ പോക്കറും ചേർന്ന് പ്രകാശനം ചെയ്തു.
അടിമുടി കവിയായിക്കഴിഞ്ഞ രുദ്രൻ വാരിയത്തിൻ്റെ ആദ്യ പുസ്തക പ്രകാശനവും ,അവതാരികയും മൂന്നുവർഷം മുമ്പ് താൻ നടത്തിയ കാര്യം ആലങ്കോട് ഓർമ്മപ്പെടുത്തി.അതിന് തന്നെ പ്രേരിപ്പിച്ച അപ്പുവേട്ടൻ എന്ന ചേനാസ് തൃവിക്രമൻ നമ്പുതിരിപ്പാടിനെ അദ്ദേഹം ഓർത്തെടുത്തു.ഭാവിയിൽ മലയാളത്തിലെ നല്ലൊരു കവിയായ് ഇനിയും ഉയരങ്ങൾ കീഴടക്കുവാൻ രുദ്രൻ വാരിയത്തിന് കഴിയട്ടെയെന്നും അദ്ദ്യേഹം ആശംസിച്ചു.അടയാളം ഗ്രൂപ്പംഗങ്ങളോടൊപ്പം കർമ്മ ബഷീർ,സൗദ പൊന്നാനി, ലത്തീഫ് കുറ്റിപ്പുറം, മുൻ അഡീഷ്ണല് സെക്രട്ടറി അബ്ദുൾ ലത്തീഫ് അലി എ ടി , മുഹമ്മദ് കുട്ടികാട്ടിൽ ,
ലാല ലാസിക് മീഡിയ, നിർമ്മല അമ്പാട്ട്,ഫാറൂക്ക് വെളിയങ്കോട്,
നിസാർ എന്നിവർ പങ്കെടുത്തു.
