ചമ്മനൂർ: അമൽ സ്കൂളിന്റെ ജീവകാരുണ്യ പ്രവർത്തനങ്ങൾക്കും, ചമ്മന്നൂരിൽ പുതിയ ബസ് സ്റ്റോപ്പിനായി സൗജന്യമായി സ്ഥലം വിട്ടുനൽകിയതിനും അമൽ സ്കൂൾ ചെയർമാൻ അലി പഷ്ണത്തയിലിനെ ആദരിച്ചു. ഗുരുവായൂർ എം.എൽ.എ എൻ.കെ. അക്ബറാണ് പൊന്നാട ചാർത്തി ആദരം അർപ്പിച്ചത്.സ്നേഹാദരം സിമി ടീച്ചർ,വിദ്യാർത്ഥികളായ അസീം, നിരവദ്യ എന്നിവർ ചേർന്ന് ഏറ്റുവാങ്ങി.
സാമൂഹിക പ്രതിബദ്ധതയുടെയും ജീവകാരുണ്യത്തിന്റെയും മാതൃകയായി അമൽ സ്കൂൾ വിദ്യാർത്ഥികൾ. വയനാട് ദുരന്തബാധിതർക്ക് സഹായമെത്തിച്ചതിനും, തൃശൂർ ജില്ലാ കളക്ടറായിരുന്ന വി. ആർ. കൃഷ്ണ തേജയുടെ ശ്രദ്ധേയമായ TOGETHER FOR TRICHUR’ പദ്ധതിയിൽ സജീവമായി സഹകരിച്ചതിനുമാണ് സ്കൂൾ അധികൃതരെയും വിദ്യാർത്ഥികളെയും ആദരിച്ചത്.
അതിദരിദ്രരായ കുടുംബങ്ങളിലെ വിശപ്പകറ്റുന്നതിനും വിദ്യാർത്ഥികളിൽ സഹാനുഭൂതിയും സാമൂഹിക പ്രതിബദ്ധതയും വളർത്താനും ലക്ഷ്യമിട്ടുള്ളതായിരുന്നു പദ്ധതി. ഇതിന്റെ ഭാഗമായി, കുട്ടികൾ സ്വരൂപിച്ച പലവ്യഞ്ജന കിറ്റുകൾ പുന്നയൂർക്കുളം പഞ്ചായത്തിലെ അതിദരിദ്ര കുടുംബങ്ങൾക്ക് വിദ്യാർത്ഥികൾ തന്നെ നേരിട്ട് എത്തിച്ചുനൽകിയിരുന്നു.
